Memleket basshysy Eýropa Lıgasynyń pleı-off kezeńine shyǵýyna baılanysty «Astana» fýtbol klýbynyń komandasyn quttyqtady.
«Sizderdiń tabystaryńyz komandanyń oıynyn zor qyzyǵýshylyqpen ári úmitpen baqylap júrgen mıllıondaǵan qazaqstandyqtarǵa qýanysh syılady. Sizderdiń jetistikterińiz Qazaqstanda fýtboldy jáne sport salasyn odan ári damytýǵa tyń serpin beretini sózsiz. Elordamyz Astananyń 20 jyldyǵy qarsańyndaǵy bul jeńistiń erekshe sımvoldyq máni bar», - delingen jedelhatta.
Sońynda Qazaqstan Prezıdenti komanda músheleriniń bárine zor densaýlyq pen amandyq tilep, alǵa qoıǵan maqsattarynyń oryndalýyna nıettestik bildirdi.
