Ulttyq kardıoxırýrgııa ortalyǵynyń basshysy, altyn qandaýyrly dáriger Iýrıı Pıanyń jumys bólmesinde kartına ilýli tur. Onda adam qolyna amandasýǵa sozylǵan jasandy qol beınelengen. «Bolashaqta mıdan basqa adam aǵzasynyń bári qoldan jasalady. Sol kezde donor máselesi de sheshiledi degen oıdamyn», deıdi ol.
Sál sheginis jasasaq, bıyl qazan aıynyń 18-i kúni Astanadaǵy Ulttyq kardıohırýrgııa ortalyǵynda 60 jasar er adamǵa jasandy júrek salyndy. Naýqastyń jaǵdaıy durystaldy. Al emdelýshi ózdiginen júre alatyn qalypqa kelgendegi qýanyshyna ortaqtasýdyń sáti bizge, jýrnalısterge de tústi. Osylaısha dárigerler Ulttyq kardıoxırýrgııa ortalyǵynda ótken baspasóz máslıxatynda elimizde alǵash ret adamǵa jasandy júrek ımplantasııasynyń jasalǵanyn jarııalady.
«Qazirgi jasandy júrek apparattarynda bıotexnologııalar qoldanylady. Ishindegi sorǵy qandy aınaldyryp, bıologııalyq membranany iske qosady. Jańaǵy membrana kádimgi adam aǵzasy sııaqty, qannyń quramyna da áser etpeıdi. Qan sol kúıinde qalady. Bul – úlken jetistik. Sebebi membrananyń ishinde taǵy qosymsha datchıkter ornatylǵan. Ol datchıkter adamnyń dene belsendiligin ǵana emes, emosııalyq jaı-kúıin anyqtap, júrek qaǵysyn rettep otyrady. Adam qobaljysa, jasandy júrek qatty soǵady. Menińshe, aldaǵy ýaqytta mıdan basqasynyń bári qoldan jasalady», deıdi dáriger Iý.Pıa.
Jasandy júrek ımplantasııasy salasynda báseke qyzyp tur eken. Fransııanyń «Carmat SA» kompanııasy bul qurylǵyny Eýropanyń aeroǵarysh jáne qorǵanys konsernimen birlesip shyǵaryp, 2013 jyly «Carmat» markaly jasandy júrekti alǵash ret synaqtan ótkizedi. 76 jastaǵy qarııaǵa salynǵan júrek syr berip ol 74 kúnnen keıin qaıtys bolady. Al keıingi pasıentter jasandy júrekpen 8-9 aı ómir súrdi. Sol kezde kompanııa jańa apparattyń bir aqaýlyǵyn anyqtaıdy. Iаǵnı jasandy júrekti uzaq paıdalanǵannan keıin qan motorǵa ketedi eken. Artynan bul aqaý jóndelgen soń kompanııa 5 memlekettiń klınıkasynda 20 operasııany óz qarajatyna jasatýdy uıǵarady. Barlyǵy durys bolsa, zaýyttan serııaly túrde shyǵarylýy jolǵa qoıylmaq. Osylaısha Avstrııa, Nıderland, Chexııa, Germanııa sııaqty elderdiń úzdik emhanalary otalardy ózderinde jasatýǵa tyrysqanda, bizdiń otandyq dáriger Iýrıı Pıa da olardan qalyspady. Al fransýzdardyń bizdiń klınıkaǵa nazarynyń aýýy – memleketimizdiń ozyq texnologııalardy engizýge degen yntasy men jańa júıege zańnamany da beıimdegeniniń arqasy. «Sonyń nátıjesinde biz birinshi bolyp ruqsat alyp, jasandy júrek ımplantasııasy boıynsha xalyqaralyq zertteýge qatysyp otyrmyz», dep atap kórsetti Iýrıı Pıa.
Júrekti tolyǵymen almastyrýǵa arnalǵan qurylǵynyń qazirgi baǵasy 1 mln eýro eken. Baspasóz máslıhatynda Densaýlyq saqtaý vıse-mınıstri Lıazzat Aqtaeva «Memleket te, ortalyq ta oǵan qazir eshqandaı aqsha jumsap jatqan joq. Fransýz kompanııasy óz apparatyn synaqtan ótkizýde. Sol sebepti bárin tegin berdi. Bári sátti bolsa, jasandy júrek apparattary kóptep shyǵarylady. Bul kezde baǵasy da tómen bolady», dedi.
Anar TО́LEÝHANQYZY,
«Egemen Qazaqstan»
