Basylymnyń habarlaýynsha, Joldaýda О́zbekstan Prezıdenti Halyqpen dıalog jáne adam múddesi jyly retinde bekitilgen 2017 jyldy qorytyndylap, memleket damýynyń bolashaqtaǵy alǵysharttaryn ataǵan. Sonymen qatar Prezıdent Shavkat Mırzıeevtiń usynysymen 2018 jyl Belsendi kásipkerlikti, ınnovasııalyq ıdeıalar men tehnologııalardy qoldaý jyly bolyp bekitilgen. Prezıdent óz sózinde jyldy bekitkende onyń ataýyna emes, nátıjesine basa nazar aýdarý kerek ekenin aıtty.
О́zbekstandyq BAQ-tardyń jazýynsha, О́zbekstan Prezıdenti memlekette Jýrnalıstıka jáne buqaralyq kommýnıkasııa ýnıversıtetin qurý qajettiligi týraly aıtqan. "Búginde respýblıkamyzda 1500 BAQ bar. Olardyń barlyǵyna joǵary bilikti mamandar qajet. О́kinishke qaraı, О́zbekstanda osy saladaǵy problemalardy ortalyqtandyrylǵan tártippen sheshetin joǵary oqý orny joq", dedi Shavkat Mırzıeev.
Aıta ketý kerek, is-sharaǵa Senat músheleri men Zań shyǵarýshy palata depýtattarymen qatar barlyq atqarýshy jáne sharýashylyq bılik ókilderi, úkimettik emes uıym músheleri, shet elderdiń elshileri qatysqan.
