Halyqaralyq, respýblıkalyq aıtystarda juldyzdaı jarqyrap, jaýqazyn jyrlarymen endi tanylyp kele jatqan shaǵynda jol apatynan kóz jumdy. Onyń jýrnalıstıka salasyna qosqan eńbegi de qyrýar. Jýyrda jas talant bilim alǵan Maǵjan Jumabaev atyndaǵy gýmanıtarlyq kolledjde onyń atynda dárishana ashylyp, tusaýkeser rásimge týǵan-týystary, ónersúıer, zııaly qaýym ókilderi qatysty.
Dárishananyń tusaýyn oblystyq bilim basqarmasynyń basshysy Gúlmıra Kárimova men marqumnyń týǵan sińlisi Aıman Telmanqyzy kesip, ol týraly taǵylymdy estelikter kóptep aıtyldy. «Qyzyljar-Aqparat» JShS dırektory Jarasbaı Súleımenov, qalalyq «Qazaq tili» qoǵamynyń tóraǵasy Dásten Baımuqanov, kolledj dırektory Erlik Jankeldın, taǵy basqalary jas aqynnyń adamgershilik bolmysy, sýyrypsalma aıtyskerlik erekshelikteri jaıly syrlar shertti. Mol muralary jınaq bolyp jaryq kóripti.
Jurtshylyq kabınette ómirbaıany, qyzmet joly, shyǵarmashylyǵy jaıly toptastyrylǵan stendpen, fotosýrettermen tanysty.
Túkpirdegi aýyldan poezııa álemine qanat qaǵyp ushqan ushqan shynashaqtaı qyzdyń ulttyq rýhqa, optımızmge toly káýsár jyrlary men esselerin stýdentter tebirene oqydy.
О́mir Esqalı,
«Egemen Qazaqstan».
Soltústik Qazaqstan oblysy
