foto: Ashyq derekkóz
Aqtóbe oblysynda júk avtokóliginiń tirkemesinde ótkizý pýnktinen jasyryn ótýge áreket jasaǵan 18 shetel azamaty anyqtaldy.
Soltústik Qazaqstan oblysynda «sıntetıkalyq esirtkilerdi» daıyndaýǵa arnalǵan 5 100 lıtr prekýrsordyń iri partııasy tabyldy. Jyl basynan beri jalpy 9 620 lıtr hımııalyq zattar («Tuz qyshqyly», «Aseton», «Fenıppentan») jáne 1 000 kg «Bromketon-4» zatynyń zańsyz tasymaldanýynyń joly kesildi. Qabyldanǵan sharalardyń nátıjesinde osy prekýrsorlardy alýshylar anyqtalyp, esirtki zerthanalary joıyldy.
Jambyl oblysynda shekarashylar shetelge 1 mlrd teńge somasyna 160 tonna ken men baǵaly metaldar konsentrattaryn (quramynda altyn bar qum) zańsyz áketý áreketiniń jolyn kesti.
Atalǵan faktiler boıynsha materıaldar prosessýaldyq sheshim qabyldaý úshin quzyretti organdarǵa joldandy.
