Arys qalasy, Sanaly aýylynda jumys saparymen bolǵan oblys ákimi J.Túımebaev «Nátıjeli jumyspen qamtý jáne jappaı kásipkerlikti damytý» baǵdarlamasy arqyly 4 mln. teńge nesıe alyp, jumysyn bastaǵan aýyl turǵyny Ǵanıjan Aıtýarovtyń sharýashylyǵynda boldy.
Búginde kásipker bar qarjysyna 16 bas iri qara alyp, sút, aıran, sary maı, irimshik, et óndirýdi jolǵa qoıǵan. Sharýanyń jumysyna qanyqqan aımaq basshysy osy baǵyttaǵy jumystardy odan ármen qaraı damyta berýin aıtyp, atqarylǵan iske oń baǵasyn berdi.
Memlekettik kómekti paıdalanyp, sharýashylyǵyn dóńgeletip ustap otyrǵan sharýalardyń qatary osylaısha kóbeıip keledi.
Baqtııar TAIJAN,
«Egemen Qazaqstan».
Ońtústik Qazaqstan oblysy.
