Negizinen mundaı esep-qısappen CIES Football Observatory degen zertteý kompanııasy aınalysady. Olardyń málimeti boıynsha 2018 jylǵy birinshiliktegi jasy úlken komanda – Panama. Sońǵy 32-shi joldamany aıaq asty jeńip ketken Panama oıynshylarynyń ortasha jasy - 29,4. Tarıhynda tuńǵysh ret ǵalamdyq dodaǵa qatysqaly otyrǵan bul ujym tájirıbıesi tolysqan fýtbolshylarǵa senim artady eken.
Al odan keıingi oryndarda Islandııa (29,0) jáne Kosta-Rıka (29,0). Eń jas qurama sanatyna Nıgerııa (24,9), Germanııa (25,7) jáne Anglııa (25,9) jatady. Jer sharynyń chempıonyn anyqtaýǵa kelgen barlyq 32 komandanyń ortasha jasy bolsa 27,4-ti quraıdy.
Endi osy jas máselesin qurlyqtarǵa bólip qaraıtyn bolsaq, onda mynandaı tizbek shyǵady: KONKAKAF - 28,6, Ońtústik Amerıka - 27,8, Azııa - 27,2, Eýropa - 27,2, Afrıka - 26,5.
Jas máselesin anyqtap bolsaq, onda kezekti fýtbolshylardyń boıyna bersek. 2018 jyldyń birinshiligindegi eń uzyn qurama komanda ol – Serbııa. Balqan túbeginiń aıaqdopshylarynyń ortasha boıy 185,6 santımetrdi quraıdy. Olardyń qatarynda kezinde «Astana» sapynda oınaǵan Nemanıa Maksımovıchte bolyp qalýy ábden yqtımal. Serbııa ulttyq quramasynyń bas bapkeri Slavolıýb Mýslın «Valensııa» sapynda arakidik almasyp alańǵa shyǵyp júrgen jas oıynshyny qosalqy quramǵa alýy múmkin. Serbııadan sál ǵana qalyp turǵan quramalardyń úshtigin túgelimen skandınavtar basyp aldy. Mysaly - Shvesııa (185,2), Islandııa (185,0) jáne Danııa (185,0). Al Álem birinshiligin qabyldaıtyn Reseı bul turǵyda 6 orynda (184,9). Eń uzyn quramany anyqtadyq, al eń qysqalary qaısy deısiz ǵoı? Ol - Ońtústik Amerıka ókili Perý (178,3), odan keıin Japonııa (178,1) jáne Saýd Arabııasy (176,2).
Fýtbolshylary tegis ózge elde oınaıtyn Horvatııa quramasy
Al endi myna qyzyqqa qarańyz. Afrıka qurlyǵynan shyqqan Morokko quramasynyń fýtbolshylarynyń 61,5 paıyzy Morokkoda týylmaǵan azamattar. Bul jóninen Morokkoǵa teń keler eshkim joq. Tek Senegaldyń ǵana 40 paıyzy ózge elde týyp-óskender. Sonymen qatar, aıtsa sengisiz, degenmen Portýgalııa fýtbolshylarynyń 32,1 paıyzy Pıreneı túbeginde týylmaǵan azamattar. Jarys qojaıyny Reseı bul esepte 5 paıyzdyq kórsetkishpen 12 orynda. Odan bólek Brazılııa, Saýd Arabııasy, Iran, Germanııa, Kolýmbııa, Meksıka jáne Ońtústik Koreıa quramalarynda da arakidik osyndaı oıynshylar bar.
Sóz sońynda keıbir quramalardyń oıynshylarynyń óner kórsetetin birinshilikterine toqtalyp ótsek. Mysaly Horvatııa, Shvesııa, Islandııa quramalarynyń 23 fýtbolshysy túgelimen ózge birinshilikterde oınaıtyn aıaqdopshylar. Iаǵnı, ózge chempıonattarda oınap nápaqa taýyp júrgen legıonerler. Olardan keıin, Senegal (97 paıyz), Serbııa (92,3 paıyz). Al bul jaǵynan 0 paıyz kórsetkish tirkep otyrǵan eki komanda bar. Olar – Saýd Arabııasy men Anglııa. Saýd Arabııada ózderińiz biletindeı fýtbolshylarǵa ózge elde óner kórsetýge tyıym salynǵan. Batystyń azǵyndaǵan ómirin kórip, adam buzylady dep sanaıdy. Al Anglııanyń jaǵdaıyn túsindirmese de, ózderińiz bilip tursyzdar. Álemdegi eń myqty fýtbol lıgasy Anglııada ekeni qatty daý týdyra qoımas.
Ermuhamed MÁÝLEN
