2017 jyly oblysta 600 myńǵa jýyq sharshy metr turǵyn úı paıdalanýǵa berildi. Atap aıtqanda, oblys ortalyǵynda 61 kópqabatty úı qurylysy salynyp jatyr, onyń ishinde 24 úı, nemese 957 páter, jeke ınvestorlardyń qarajaty esebinen jáne 37 úı (2014 páter) memlekettik turǵyn úı baǵdarlamalarynyń aıasynda.
2017 jyly óńirde apatty úıler men mektepter máselesi tolyq sheshimin tapty.
Odan bólek, Qyzylorda qalasynda Syrdarııa ózeniniń sol jaǵalaýyndaǵy jańa qalanyń alǵashqy nysandarynyń qurylysy bastaldy. Atap aıtqanda, 18 kópqabatty turǵyn úı, 320 oryndyq balabaqsha jáne «Bolashaq» ýnıversıtetiniń stýdentter qalashyǵy salynýda.
Sondaı-aq, bıyl Baıqońyr qalasyn gazdandyrý jumystary bastalyp, Qyzylorda qalasy mańyndaǵy Belkól kentine kógildir otyn berildi. Iаǵnı, oblys turǵyndarynyń 64 paıyzy tabıǵı gazdy paıdalanyp otyr.
Bıyl da Syr dıhandary rekordtyq ónim jınap, el qambasyna 500 myń tonnadan astam kúrish quıyldy. Aıta keteıik, ónim ósimi egin alqaptarynyń ýlǵaıýy emes, seleksııalyq jumystardyń tabysty júrgizilýi men kúrish sorttarynyń ónimdiligin arttyrýdyń arqasynda júzege asty.
О́tken jyly aımaǵymyzdyń aýylsharýashylyq ónim óndirýshileri alys sheteldik naryqqa shyǵa bastady. Iran Islam Respýblıkasymen kúrishti ósirý, óńdeý jáne eksporttaý boıynsha áriptestik ornatyldy. Esterińizge sala keteıik, 2016 jyly Qyzylorda oblysynda ırandyq «Torem Hoshemı» sortynyń synamalyq partııasy egildi, al aǵymdaǵy jyldyń qarasha aıynda «Baıqońyr Invest» ınvestısııalyq forýmynyń aıasynda Iran Islam Respýblıkasyna Qyzylorda oblysynan kúrish jetkizý týraly kelisimge qol qoıyldy.
2017 jyly Syr óńirinen alǵashqy et ónimderi Iran men BAÁ eksporttaldy.
Jalpy, 2017 jyly aýylsharýashylyq ónimderiniń eksporty 42 paıyzǵa, onyń ishinde kúrishtiń eksporty 45 paıyzǵa ósti.
Bilim salasyndaǵy jetistikter de aıtarlyqtaı. Máselen, bıyl mektep oblys túlekteriniń 97 paıyzy joǵary jáne orta arnaýly oryndarǵa oqýǵa tústi. Reseı Federasııasynyń tehnıkalyq JOO-darymen nátıjeli seriktestik ornatýdyń nátıjesinde 452 qyzylordalyq túlek Máskeý jáne Sankt-Peterbýrg qalalarynda bilim alyp jatyr. Aıta keteıik, Qyzylorda oblysy – óz túlekterin Reseı Federasııasy Úkimetiniń granttary esebinen oqytyp jatqan birden-bir óńir.
Sonymen qatar, kelesi jyldan bastap M.V.Lomonosov atyndaǵy Máskeý memlekettik ýnıversıteti jyl saıyn qyzylordalyq jastarǵa «Kıberqaýipsizdik» jáne «Prosesterdi matematıkalyq ádispen modeldeý» mamandyqtary boıynsha magıstratýraǵa 20 granttan bóletin boldy.
Reseı Federasııasynyń Chelıabınsk qalasynda Reseı jáne Qazaqstan basshylarynyń qatysýymen ótken HIV óńiraralyq yntymaqtastyǵy Forýmy aıasynda taǵy bir Qyzylorda oblysy úshin óte mańyzdy másele sheshimin tapty: 12 myń gektarǵa jýyq jer Reseı Federasııasynyń arendasynan shyǵarylyp, Qazaqstan Respýblıkasyna shaǵyn jáne orta bıznesti damytý úshin qaıtarylyp berildi.
О́tip bara jatqan jyl Syr óńiri úshin tabysty boldy.
