Kelesi jyly qurylǵanyna 10 jyl tolatyn Dostyq úıinde buǵan deıin jeke ǵımarat bolmaı, etnomádenı birlestik músheleri ár esikti bir jaǵalap kelipti. Qoǵamdyq kelisim ortalyǵynyń ashylý saltanatyna qatysqan aýdan ákimi Qalıhan Baıǵonysovjańa nysan Elbasynyń «Rýhanı jańǵyrý» baǵdarlamasy aıasynda paıdalanýǵa berilgenin, aımaqta 50-den astam ult ókilderi tatý-tátti tirshilik keship jatqanyn atap ótip: «Ývarovo aýylynda ashylǵan Dostyq úıi óńir turǵyndarynyń bereke-birligin odan ári nyǵaıta túsedi dep senemiz», - dep izgi tilegin jetkizdi.
Glýbokoe aýdandyq Dostyq úıiniń dırektory Janar Qabıdollaqyzy jańa ǵımaratta jumys isteýge barlyq jaǵdaı jasalǵanyn, aldaǵy ýaqytta Analar keńesi men etnomádenı birlestikterdiń jumysyn jandandyryp, birqatar sharalardy qolǵa alýdy josparlap otyrǵandaryn aıtady. «Aýdanymyzda 17 aýyldyq okrýg, 40-tan astam aýyl bar. О́ńirde 54 ulttyń ókilderi turady. Qańtar aıynan bastap aýdandaǵy barlyq ulttardyń mádenıeti men dástúrin nasıhattaý úshin ár ulttyń mádenı kúnderin ótkizýdi josparlap otyrmyz. Osy rette Dostyq úıiniń jaıly da jańa ǵımaratqa kóshýine uıytqy bolǵan aýdan ákimine aıtar alǵysymyz sheksiz», - deıdi Dostyq úıiniń dırektory.
Azamat QASYM,
«Egemen Qazaqstan»
Shyǵys Qazaqstan oblysy,
Glýbokoe aýdany.
