Reseılikterdiń jospary boıynsha aldymen jylyna 150 traktor shyǵarady, eger suranys artsa ony 500 traktorǵa deıin jetkizýge bolady. Zaýyt qurylysy eki jaqtan qarjylandyrylady. Oǵan birinshi kezekte ındýstrııalyq aımaqtan jer alqaby bólinýi tıis.
Oblys ákimi Arhımed Muhambetov ınvestordan 1 mıllıard teńge ınvestısııa tússe, jer aýmaǵyn bólý sheshiletindigin aıtty.
«Investısııa tússe, jer qazir de daıyn. Qazir ındýstrııalyq aımaqqa óz kásiporyndaryn ornalastyrǵysy keletinder sany artyp keledi. Elbasy ındýstrııalyq aımaqty ekonomıkalyq erkin aımaqqa aınaldyrýǵa ýáde etti. Salyq jóninen artyqshylyqtar jasalady» dedi Arhımed Begejanuly.
Reseılikter «Kıroves» traktorynyń Qostanaıda qurastyrylatyn qýaty az markasyn kórsetti. Bul baıaǵy Harkovte shyǵarylatyn HTZ-150 traktorynyń jetildirilgen balamasy bolady. Baǵasy 25 mıllıon teńge.
Názıra Járimbet
«Egemen Qazaqstan»
Qostanaı
