Foto: thehansindia.com
Polıseıler avtobýs júrgizýshileri quqyq buzýshylyǵynyń aldyn alý jáne olardy anyqtaý sharalaryn jandandyrdy. Shara barysynda olar 1249 jol erejesin buzý faktisin anyqtady. Ákimshilik hattamanyń 241-i qoǵamdyq kólik júrgizýshilerge qatysty toltyryldy.
«Júrgizýshiler kóbinese Ákimshilik quqyq buzýshylyq týraly kodekstiń 591-babyn («Kólik quralyn basqarý kezinde júrgizýshiniń telefondy ne radıostansııany paıdalanýy») buzdy. Olarǵa qatysty 92 hattama toltyryldy. 41 júrgizýshi ákimshilik jaýapqa tartyldy. Júrgizýshi kýáliginsiz kólik basqarý boıynsha 28 fakt tirkeldi, 17 júrgizýshi jyldamdyqty arttyrǵany úshin jazalandy», deıdi jergilikti polısııa qyzmetiniń bastyǵy Qanat Aıtbaev.
Byltyr 674 júrgizýshi ákimshilik jaýapqa tartylǵan bolatyn.
О́mir Esqalı,
«Egemen Qazaqstan»
Soltústik Qazaqstan oblysy
