Jarys Saraıshyq yqsham aýdanynda ótti. Atyraý oblystyq ákimdiginiń qoldaýymen, oblystyq ulttyq sport túrleri federasııasynyń uıymdastyrýymen atalǵan aýdanda kókpar senbi saıyn ótedi. 3 saǵatqa sozylǵan oıynda eń kóp salym salǵan Nurlan Bısenbaev 80 000 teńge enshiledi. Ulttyq sport túrleri federasııasynyń prezıdenti Aslanbek Janbalaevtyń atynan kókpardyń eń úzdik oıynshysy Mahambet aýdanynyń turǵyny 16 jasar Abylaı Luqpanovqa ertoqym jáne «Gúlsary» atty sáıgúliktiń ıesi Qanat Turǵalıevqa kókparshy etigin tabystaldy.
– Kókpar Atyraý oblysyndaǵy ulttyq sportty damytý maqsatynda uıymdastyrylýda. Sheberler jastarymyzdy kókparshy bolýǵa daıyndaýda. Turǵyndardyń ulttyq oıynǵa degen qyzyǵýshylyǵy artyp keledi, - deıdi Aslanbek Janbalaev.
Aıta keteıik, ótken jyldyń qorytyndysy boıynsha Atyraý oblysy ulttyq sportty damytýda úzdik dep tanylyp, oblystyq sport basqarmasy basshysy Azamat Beketke «Altyn tuǵyr» arnaıy júldesi tabystalǵan bolatyn.
