Taraptar Qazaqstan-Fınlıandııa qatynasynyń ózekti máselelerin alǵa tarta kelip, Qazaqstan Prezıdenti Nursultan Nazarbaevtyń taıaýda Qazaqstan halqyna arnaǵan kezekti Joldaýyna aıryqsha nazar aýdardy. Elbasy óz Joldaýynda memleket aldynda turǵan on basym baǵytqa toqtalǵanyn atap ótken Palata Tóraǵasy ásirese, jańa tehnologııalardy engizý, sıfrlandyrý máselesine barynsha kóńil bóldi.
N.Nyǵmatýlın fınlıandııalyq áriptesterimen atalǵan salany zańnamalyq turǵydan qamtamasyz etý jaıyn talqylady. О́ıtkeni, Fınlıandııa ınnovasııalyq damý turǵysynan aldyńǵy qatarly elderdiń biri. Sondyqtan olardyń zańnamalyq tájirıbesi qyzyǵýshylyq týdyrady. Májilis Spıkeri atap ótkendeı, osy rette yntymaqtastyq jónindegi parlamenttik toptardyń róli zor.
О́z kezeginde mártebeli meıman Qazaqstan Prezıdenti Joldaýynyń mańyzdylyǵyn aıta kelip, ınnovasııa, sıfrlandyrý salalaryndaǵy ortaq maqsattarǵa túıistiretin basym baǵyttarǵa toqtaldy.
Kezdesýde qos memleket yntymaqtastyǵynyń strategııalyq sıpatyna mán berliip, ekijaqty qarym-qatynastyń syndarly damýyna senim bildirildi.
