Kıshor Mahbýbanı,
Lıı Kýan Iý atyndaǵy Memlekettik saıasat mektebiniń eks-rektory:
Qazaqstan Prezıdenti Nursultan Nazarbaevtyń Joldaýynda aıtylǵan memlekettiń damý jolyndaǵy 10 baǵyt alysty boljaǵan áreket dep oılaımyn. Álem óte jyldam ózgerip jatyr jáne barlyq ulttar ózgeristerge beıimdele bilýi kerek. Qazaqstan Ortalyq Azııaǵa jáne álem elderine sol beıimdelý josparynyń úlgisin kórsetti deýge de bolady. Álem elderi Qazaqstannyń jańǵyrý jolynan úlgi alatyn bolsa, álem jaqsy jaqqa ózgerer edi.
Zaınýl Abıdın Rashıd,
Sıngapýrdiń Kýveıttegi elshisi,
Sıngapýr SIM-niń Taıaý Shyǵystaǵy arnaıy ýákili,
MediaGorp medıaholdıngi dırektorlar keńesiniń múshesi:
Qazaqstan Prezıdenti Nursultan Nazarbaev kóregen saıasat júrgizip otyr. Ol strategııalyq maqsattardy júzege asyrýdyń negizin biledi. Sıngapýr tájirıbesine súıensek, maqsattar men qundylyqtardy anyqtaý qıyn emes. Biraq ınfraqurylym men bilim bazasyn jasaý úshin kóp ýaqyt kerek.
Joldaýda saıası, ákimshilik, bilim, jeke jáne qoǵamdyq salalar qamtylǵan. Qazaqstan arnaıy quraldardy qajet etetin reformalardy júzege asyrý úshin qajetti resýrstarǵa baı memleket. Al Prezıdent Nursultan Nazarbaevtyń ózi usynǵan reformasyn júzege asyrýǵa qaýqary jetedi.
