«Turysh mektep-balabaqsha kesheni» 2013 jyly qyrkúıek aıynda ashyldy. 50 oryndyq balabaqshada 6 pedagog qyzmet etedi. Ekinshi nysan -«Beıneý ortalyq aýdandyq aýrýhanasy» ShJQ MKK «Turysh» feldsherlik-akýsherlik pýnkti. Ol 1965 jyldan beri qyzmet kórsetedi. 2005 jyly sáýir aıynda jańa ǵımarat ashylyp, paıdalanýǵa berildi. Materıaldyq-tehnıkalyq bazasynda feldsherlik kabınet, 2akýsherlik qaraý kabıneti, 1 POR, sharýashylyq jabdyqtar bólmesi, egý kabıneti bar.
Turysh aýylyndaǵy «Bereket» sharýa qojalyǵy jylyjaı salý jumystaryn qolǵa alýda. Oǵan memleket tarapynan jylyna 2 ret ár gektaryna 5 mln teńge sýbsıdııa beriledi. Jylyjaıǵa satylyp alynǵan tehnıka qunynyń, sondaı-aq onyń qurlysyna jumsalǵan qarajattyń 30 %-y, sýlandyrý júıesine ketken shyǵynnyń 50 %-y, maldardy asyldandyrý, bordaqylaý jumystaryna ketken shyǵynnyń 50%-y úkimet tarapynan qaıtarylady. Sonymen qatar, asyl tuqymdy qoılardyń seleksııa jumystaryna ár basyna 2 500 teńge, asyl tuqymdy analyq qoılardyń ár basyna 8 myń teńge, atalyqtyń ár basyna 20 myń teńge, asyl tuqymdy atalyq jylqynyń jáne túıeniń ár basyna 100 myń teńge, analyqtaryna 40 myń teńgeden beriledi.
Turysh aýylynyń turǵyndarymen kezdesý barysynda qudyq qazý jumystaryna qatysty birneshe suraqtar kóterilip, arnaıy tapsyrmalar júkteldi.
-Eger turǵyndar óz tarapynan qudyq qazsa, memleket shyqqan shyǵynnyń 80 %-yn qaıtaryp beredi. Mysaly sizder 100 metr qudyq qazsańyz, orta eseppen 5 mln. teńge shyǵyn ketedi. Sonyń 4 mln. teńgesin keıin qaıtaryp alsańyz, nátıjesinde siz qudyqty 1 mln. teńgege qazasyz. Byltyr júzege asyrylǵan 18 qudyqtyń 17-sin turǵyndar óz kúshterimen qazǵan. Bizge eshqandaı ótinim kelip túspedi. Búgingi tańda aýyl sharýashylyq bóliminiń basshysy halyqtan ótinimder jınaýda, sol boıynsha qudyq qazý jumystaryna sýbsıdııa beremiz» dedi Beıneý aýdanynyń ákimi Beıneýbek Ábilov.
-Sharýashylyqqa jasalyp otyrǵan múmkindikterdi tıimdi paıdalana bilýimiz kerek. Bul – mal sharýashylyǵy men egin sharýashylyǵyn damytý úshin úkimet tarapynan kórsetilip otyrǵan kómek. Sony árbir qazaqstandyq júzege asyrsa, aýyl sharýashylyǵyndaǵy túıtkildi máseleniń sheshimi tabylar edi. Halyqty aqparattandyryp, túsindirme jumystaryn júrgizý kerek. Jastardy aýylsharýashylyqtyń qyr-syryna úıretetin oqý-ádistemelik kýrstardan ótkizý kerek. Sondaı-aq, árbir qazylǵan qudyqta sý bola bermeıdi. Osy máseleniń tóńireginde kóptegen suraq týyndady. Qudyq qazar aldynda ol jerge arnaıy mamandardy tartý kerek. Arnaıy mekemeler osy jumysqa tikeleı atsalysyp, óz kúshimen qudyq qazam degen azamattarǵa qoldaý kórsetsin» dedi oblys ákimi Eraly Toǵjanov.
Turǵyndar tarapynan kóterilgen taǵy bir másele – aýylǵa temirjol ótkelin salý. Oblys ákimi temir jol ótkeliniń jobalyq smetalyq qujattaryn aǵymdaǵy jyldyń naýryz aıyna deıin aıaqtap, «Qazaqstan temir joly» ulttyq kompanııasyna usynýdy tapsyrdy.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
