Osyǵan oraı, eleýli is júrgizip jatqandardyń biri «Beıneý aýyl sharýashylyǵy kooperatıvi» AО́K óndiristik kooperatıvi. Kooperatıvtiń quramynda mal soıý alańy, et óndirý, veterınarııalyq zerthana jáne mal bazary bar. Sharýashylyq etti daıyndaý jáne et ónimderin eksporttaýmen qatar, mal bordaqylaýmen aınalysady. Ol zamanaýı mal soıý quraldary, muzdatqyshtar jáne et týraǵyshtarmen jabdyqtalǵan. Sehtyń óndiris qýattylyǵy táýligine 4 tonna.
Jalpy 2017 jyly Beıneý aýdanynda «Bıznestiń jol kartasy 2020» baǵdarlamasy boıynsha 188,9 mln. teńgege 8 joba nesıelenip, ashylǵan jumys orny 7,7 esege kóbeıdi. Beıneý selosy kóshelerine elektr jelilerin tartý jumystaryna jergilikti bıýdjetten 79,5 mln. teńge, Tólep jáne Eset selolarynan Beıneý selosyna deıin joǵary kerneýli elektr jelisin tartý jumystaryna – 100,0 mln teńge, Beıneý selosynda syrtqy jaryqtandyrý jumystaryn – 6,9 mln teńge bólindi. Barlyq nysandar boıynsha qurylys jumystary júrgizilip jatyr.
Beıneý – mal sharýashylyǵy damyǵan aýdan. Alaıda mal ósimi jaqsy bolǵanymen, et tapsyratyn oryn bolmaı otyr. Bul da turǵyndar kókeıindegi saýaldardyń biri. Osyǵan oraı oblys ákimi E.Toǵjanov et ónimderinen konserviler daıyndap shyǵaratyn zaýyt, Agro nesıe korporasııasynyń negizinde bordaqylaý ortalyqtaryn quryp, seh ashý syndy et ótkizýdiń birqatar joldaryn qarastyrý kerek ekenin atap ótti.
Elbasy Joldaýynda aýyldyq eldi mekenderdi sapaly aýyzsýmen qamtamasyz etý úshin úkimet tarapynan tıisti deńgeıde qoldaý kórsetiletinin atap aıtty.
– Aýylsharýashylyqtyń ulǵaıýyna baılanysty sońǵy 6 jyldyń ishinde 20 mln 600 myń teńge nesıe alyndy. Olar búginde óz isterin damytyp, aýdan ekonomıkasynyń ósýine úlesterin qosýda. 2017 jyly Sarǵa aýylynan «Bastaý bıznes» boıynsha 7 adam oqytylyp, sertıfıkat aldy. 2 adam 5 mln-nan astam nesıe jáne aýyl sharýashylyq qarjylaı qoldaý qorynan 3 mln. teńge jeńildik paıyzben nesıe alyp, maqsatyna paıdalanýda. Aýyl jastary bıyl da kásipkerlikke oqýǵa usynys bildirýde, - deıdi Sarǵa aýylynyń ákimi Marat Bolysov.
Beıneýdegi «Beıneý-Aqjigit-О́zbekstan Respýblıkasy shekarasy» avtomobıl jolyn qaıta jańǵyrtý jumysy da mańyzdy. Aqjigit aýylynda qýattylyǵy saǵatyna 120 tonna asfalt daıyndaıtyn asfalt-beton zaýyty ornatylyp, paıdalanýǵa daıyn. Kókbekti beketindegi qýattylyǵy saǵatyna 175 tonna asfalt daıyndaıtyn asfalt-beton zaýytyn qurastyrý jumystary aıaqtalyp, gaz qubyryna qosý jumystary júrgizilýde.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
