- Elbasynyń Joldaýy qoǵamnyń ekonomıkalyq, saıası, rýhanı salasyn jańǵyrtýdyń keshendi baǵdarlamasy. Bul damyǵan 30 eldiń qataryna kirýdiń alǵashqy qadamy. Joldaýdy iske asyrýda depýtattar – «Nur Otan» partııasy Fraksııasynyń músheleri tikeleı belsendi qatysady – dedi, G.Isımbaeva.
Otyrysta depýtattar M.Pishembaev, A.Jamalov, Á. Bekturǵanov, Z.Amanjolova Joldaýdaǵy ındýstrııalandyrý jańa tehnologııalardy engizýdiń kóshbasshysyna aınalýy, «Aqyldy tehnologııalar» – agroónerkásip keshenin qarqyndy damytý, qarjy sektoryn «qaıta jańǵyrtý», negizgi medısınalyq qyzmet kórsetýdi sıfrlandyrý baǵyttaryndaǵy máselelerge jan-jaqty toqtaldy.
О́z kezeginde depýtat M. Pishembaev: «Joldaýda belgilengen on baǵyttyń birinshisi, jańa tehnologııalardy endirýdiń flagmany ındýstrııalandyrý ekendigin atap ótip, ekonomıkanyń negizgi tehnıkalyq qaıta qurýdyń draıveri bolyp sanalatyn mashına jasaýdy damytý máseleleri boıynsha parlamenttik tyńdaý ótkizýdi usyndy.
Depýtat S.Omarov bolsa aýyl sharýashylyǵyn qaıta óńdeý, saqtaý jáne logıstıka óndiristerine IT-tehnologııasy salasyna erekshe kóńil bólse, depýtat A.M.Jamalov Qazaqstan Respýblıkasynyń Prezıdentine tikeleı baǵynatyn Qarjy uıymdaryn jáne qarjy naryǵyn retteý men baqylaý jónindegi agenttik qurýǵa bastamashylyq jasaýdy usyndy.
Al, depýtat Á.Bekturǵanov bıýdjet salasyndaǵy eńbekaqy tóleý mehanızmderin qaıta qaraý qajettiligine toqtaldy.
Depýtat Z.Amanjolova tegin kepildi medısınalyq kómek kórsetýdiń jańa modelin qalyptastyrý jáne joǵary bilikti medısına mamaandaryn daıarlaý qajettilikterine kóńil bóldi.
«Nur Otan» partııasy Fraksııasynyń músheleri Memleket basshysynyń kezekti Joldaýy halyqtyń ál-aýqatyn jaqsartýdaǵy mańyzdy róline toqtalyp, Joldaýdy biraýyzdan qoldady.
Fraksııa qazaqstandyqtardy jyldyń basty saıası qujatyn talqylaýǵa jáne túsindirýge belsendi qatysýǵa shaqyrdy.
Jınalysta Joldaýdy iske asyrý jónindegi Fraksııanyń is-sharalar jospary bekitildi. Onda Joldaýdyń negizgi qaǵıdalaryn zańnamalyq turǵydan bekitý, aqparattyq-túsindirý jumystary jáne Joldaýda belgilengen mindetterdi naqty iske asyrý jóninde Fraksııanyń, Fraksııa janyndaǵy konsýltatıvtik-keńesshi organdardyń is-sharalary qarastyrylǵan. Jınalystyń qorytyndysy boıynsha Fraksııa qaýlysy qabyldandy.
Jınalys jumysyna «Nur Otan» partııasynyń hatshysy Q.Jumashev, Qazaqstan halqy Assambleıasynan saılanǵan depýtattar, Qazaqstan Respýblıkasy Prezıdenti Ákimshiligi jáne Qazaqstan Respýblıkasy Premer-Mınıstri Keńsesi ókildiginiń basshylary, buqaralyq aqparat quraldarynyń ókilderi qatysty.
