Jaqynda dop qýǵan balalar «Qaırat» FK klýbynyń S.Kvochkın atyndaǵy sport kesheninde fınaldyq oıyn márege jetti. Bul taldyrmash balǵyndar ańsaı kútken fýtbol sabaǵyna QB BǴM Ulttyq ǵylymı-praktıkalyq dene tárbıesi ortalyǵy sport bóliminiń basshysy B.Ramazanov, Almaty qalasy Bilim basqarmasynyń «Qalalyq dene shynyqtyrý jáne sport oqý-tájirıbelik ortalyǵynyń» dırektory E.Nazarov, ortalyq dırektorynyń orynbasary N.Kovalık, nusqaýshylary B.Elemesov, J.Rızvan jáne «Qaırat» akademııasy departamentiniń basshysy Q. Ordabaev, osy akademııanyń ardagerleri Iý.Shadıev, V.Masýdov, A.Qojabergenov taǵy basqa da oıynshylar qatysty.
Fınaldyq oıyn joǵarǵy dárejede ótti, jeńimpazdarǵa sport ortalyǵy atyna «Koka-kola» kompanııasynyń syıǵa tartqan fýtbol doptary syılyqqa berildi. Nátıje boıynsha fýtboldan komandalyq esepte 1-2 synyptar arasynda Jetisý aýdany birinshi oryn, Almaly aýdany ekinshi oryn ıelense, júldeli úshinshi orynǵa Naýryzbaı aýdany kóterildi. Al 3-4 synyptar boıynsha Áýezov aýdany birinshi oryn, Túrksib aýdany ekinshi oryn, Medeý aýdany fýtbolshylary úshinshi oryndy qanaǵat tutty. Aqtyq jarystyń ekinshi kezeńinde 1, 2, 3 oryn alǵan komanda «Qaırat» FK ujymynyń kýboktarymen, dıplomdarymen, medaldarymen sonymen qatar, balalardyń joǵary dárejede oıyn kórsetýine jattyqtyrýshylar alǵys hattarmen marapattaldy. Jarys barysynda erekshe oıyn kórsetken oıynshylarǵa, úzdik qaqpashy, úzdik shabýylshy, úzdik oıynshy, úzdik qorǵaýshy júldeleri tabys etildi. Qazir balar kelesi kanıkýldy asyǵa kútip júr.
Saparbaı PARMANQUL,
«Egemen Qazaqstan»
