Ońtústik Qazaqstan oblysy ekonomıka jáne bıýdjettik josparlaý basqarmasynyń basshysy Arman Sábıtovtiń málimdeýinshe, turǵyndar salymdarynyń 64,5 paıyzy ulttyq valıýtada saqtaýly. Sondaı-aq, basqarma basshysy О́ńirlik kommýnıkasııalar qyzmetinde ótken brıfıngte ótken jyly ekinshi deńgeıli banktermen 299,4 mlrd. teńge kóleminde nesıe berilgenin aıtyp ótti.
«Ekinshi deńgeıdegi bankterden berilgen nesıe kóleminiń 62,4 paıyzy – jeke tulǵalarǵa tutyný maqsatynda, 19,8 paıyzy – ónerkásip salasyna, 14,4 paıyzy – saýdaǵa, 2,1 paıyzy – qurylys salasyna, 1,3 paıyzy – aýyl sharýashylyǵyna berilgen», – dedi Arman Sábıtuly. Al shaǵyn jáne orta kásipkerlikti damytýǵa berilgen nesıelerdiń kólemi 43,9 mlrd. teńge bolyp, 12,4 paıyzǵa artqan.
Investısııa kólemi ótken jyldyń qorytyndysy boıynsha 482 mlrd. teńge bolyp, aldyńǵy jylmen salystyrǵanda 20,2 paıyzǵa artqan. Bul kórsetkishpen oblys respýblıkada kósh bastap tur. Sondaı-aq, ónerkásip óniminiń kólemi 858,5 mlrd. teńgege jetip, 2016 jylmen salystyrǵanda 102,1 paıyzdy quraǵan.
Aıta ketelik, óńirde ındýstrııalandyrý, ekonomıkany ártaraptandyrý jáne óndiristi damytýǵa erekshe nazar aýdarylýda.
Ǵalymjan ELShIBAI,
«Egemen Qazaqstan»
