Qujatty Qazaqstan Syrtqy ister mınıstri Qaırat Ábdirahmanov resmı túrde jarııalady.
Is-shara BUU-da úlken qyzyǵýshylyq týdyrdy. Jobany tanystyrý men ony talqylaýǵa 100-den astam uıymǵa múshe-memleket delegasııasy qatysty. Joǵary dárejedegi qatysýshylar arasynda Kýveıttiń premer-mınıstri - syrtqy ister mınıstri sheıh Sabah al-Haled as-Sabah pen Aýǵanstan syrtqy ister mınıstriniń orynbasary Hıkmet Karzaı boldy. BUU Kontrterrorıstık basqarma basshysy - Bas hatshynyń orynbasary Vladımır Voronkov pen BUU Bas hatshysynyń saıası máseleler jónindegi kómekshisi Mıroslav Encha baıandama jasady.
Qazaqstannnyń syrtqy saıası vedomstvosynyń basshysy Q. Ábdirahmanov otyrysty asha otyryp, Qazaqstannyń halyqaralyq lańkestikke qarsy kúreske qosqan úlesi retinde bastamashylyq jasaǵan kodeks boıynsha jumystyń maqsattary men negizgi mazmunyn atap ótti. Qujattyń negizgi maqsaty - terrorızmnen azat álem qurý maqsatynda 2045 jyly BUU-nyń júz jyldyǵyna qol jetkizý jáne kontrterrorızm boıynsha seriktes-elderdiń keń halyqaralyq koalısııasyn qurý.
V. Voronkov qaýipsizdikti qamtamasyz etý jáne ony turaqty damytý jolyndaǵy Qazaqstannyń qosqan úlesin joǵary baǵalady. Sondaı-aq, ol BUU Qaýipsizdik keńesindegi Astananyń róli men jumysyn atap ótti.
M. Encha óziniń baıandamasynda kontrterrorızm boıynsha Qazaqstan men BUU maqsattarynyń sáıkes keletinin tilge tıek etip, osy bastamada Astanaǵa sáttilik tiledi.
Aýǵanstan syrtqy ister mınıstriniń orynbasary Tártip kodeksiniń jobasyna joǵary baǵa berip, halyqaralyq yntymaqtastyq pen BUU kontrterrorıstik arhıtektýrasyn nyǵaıtýdaǵy mańyzdy qadam ekenin atap ótti.
Otyrysta sóz sóılegen Qaýipsizdik keńesiniń múshe-elderi delegasııalary Qazaqstannyń bastamasyn qoldady jáne bolashaqta jobany jetildirý maqsatynda talqylaýǵa daıyn ekendikterin jetkizdi.
