Jergilikti atqarýshy organdardyń qoldaýy arqasynda munaıly aımaqtaǵy aýyl sharýashylyǵy salasynda sońǵy jyldary oń ózgerister boldy. Agroónerkásip kesheninde jańa jobalar júzege asyp, buryn óńirde qolǵa alynbaı kelgen daıyn ónim shyǵarý men óńdeý isi bastaý aldy. О́tken 2017 jyly oblysta mal basy kóbeıdi. Sonyń ishinde túıe men jylqy sany 13,5 jáne 3,6 paıyzǵa deıin artty.
Oblys ákimi mal aýrýynyń, sonyń ishinde brýsellezdiń aldyn alýda naqty sharalar qabyldaý kerektigin aıtty. Osy salada mamandar daıyndaý, tartý, medısınıkalyq preparattar men vaksınalar alý, mal soıý sehtaryn salý, turǵyndar arasynda sanıtarlyq mádenıetti arttyrý boıynsha keshendi baǵdarlama jasaýdy tapsyrdy. Málimetterge sáıkes mal aýrýynyń 80 paıyzy jeke qoldaǵy tórt túlik arasynda kezdesedi.
-Bizge mamandar tartý kerek. Stýdentterdi oqytýǵa grant bólý júıesi bar. Qansha grant kerek bolsa, sonsha beremiz. Bastysy, osy salada bilim alýǵa talaptanatyn jastar bolýy kerek, - dedi Nurlan Noǵaev. – Jaýapty adamdarǵa veterınar mamandardy turǵyn úıdi jeńildikpen alýshylar qataryna qosatyn, basqa da áleýmettik járdemaqylar tólenetin sanatqa qosý máselesin sheshýdi tapsyramyn.
Memlekettik qoldaý sharalaryna kelsek, aımaqta aýyl sharýashylyǵyn sýbsıdııalaý on baǵdarlama boıynsha júrgiziledi. Sol arqyly 720 sharýa qojalyǵy 2,6 mlrd teńge somasynda memlekettik qoldaýǵa ıe bolǵan. Bul baǵyttaǵy jumystar Mahambet, Qyzylqoǵa, Qurmanǵazy aýdandarynda jaqsy júzege asyp jatyr. Bıyl aýyl sharýashylyǵyn sýbsıdııalaýǵa 2,9 mlrd teńge bólindi. Oblys ákimi osy rettegi jumystardyń qatań baqylaýda bolatynyn da atap aıtty.
- Bul óte mańyzdy másele, sondyqtan barshańyzdyń da jaýapkershilikpen qaraýlaryńyzdy suraımyn, - dedi Nurlan Noǵaev. – Sharýalar sýbsıdııany ýaqytyly alyp otyrýlary kerek. Memleket basshysy aýyl sharýashylyǵyn qoldaý qajettigi jaıly únemi aıtady. Biz qoldaýdyń qajet kezde jáne qajet ýaqytynda bolýyna jaǵdaı jasaıyq. Kásipkerler problemalarynyń sheshilý merzimi uzap ketetinine, sýbsıdııa ábden jumysty bitirip bolǵan soń ǵana beriletinine shaǵymdanbasyn. Sýbsıdııa sharýalarǵa ábden aıaqtalǵannan keıin emes, naqty jumys barysy kezinde kerek.
Búginde aımaq kartopqa degen qajettiliktiń 46 paıyzyn, kókónisterge degen qajettiliktiń 154,8, baqsha ónimderiniń 129,3 paıyzyn ózi qamtamasyz etip otyr. Aldaǵy ýaqytta kartopqa qajettilikti jergilikti ónimder arqyly tolyq jabý josparda bar, ol úshin egin sharýashylyǵynda jańa tehnologııalar engizýge kóńil bólinýde.
