Prezıdenttiń Joldaýynda jańǵyrýdyń negizi retinde qarastyrylatyn adamı kapıtaldyń damýyna basymdyq berilgen. Bul zamanaýı syn-tegeýrinderge jaýap beretin sheshim, sebebi, búgingi postındýstrııalyq damý, ınnovasııalyq ekonomıka, bilim ekonomıkasy ǵasyrynda joǵary deńgeıli maman, óz isiniń sheberi kez kelgen memlekettiń artyqshylyǵy bolyp tabylady.
Prezıdent Joldaýynda bilim baǵdarlamalarynyń negizgi basymdyǵy jańa bilimdi ózgertý men ıgerý, soǵan udaıy beıimdelý bolýy kerektigi aıtylǵan. Bul faktor zamanaýı qoǵamnyń jyldam ózgerip otyratyndyǵymen baılanysty. Innovasııa men jyldamdyq qazirgi álemde básekege qabilettiliktiń basty belgisi. Sondyqtan álemdegi ózgeristerden qalyspaý búgingi tańda kóshten qalmaýdaǵy eń mańyzdy shart bolyp tabylady.
Aldaǵy ýaqytta jańa tehnologııalar kóptegen mamandyqtardyń joıylýyna ákelip soqpaq. Al tyń mamandyqtarǵa suranystar arta beredi. Naqtylasaq, óndiris, densaýlyq saqtaý, saýda, memleket basqarý salalaryndaǵy aqparattyq tehnologııalarǵa áser etip jatqan Big Data úlken derekter tehnologııasy mamandaryna suranys artyp keledi.
Osy faktordy eskere otyryp, Joldaýda barlyq jastaǵy azamattardy qamtıtyn aldyńǵy qatarly bilim júıesin jasaý týraly aıtyldy.
Menińshe, ár óńirdegi oqýshylar saraılarynyń janynan kompıýterler, zerthanalar men 3D-prınterler sekildi barlyq qajetti ınfraqurylymy bar balalar tehnoparki men bıznes-ınkýbatorlardy jasaý sheshimi de óte mańyzdy. Bul jas býynnyń ǵylymı-zertteý men óndiristik-tehnologııalyq ortaǵa beıimdelýine, jańa ári suranysqa ıe mamandyqtar boıynsha bilikti maman daıarlaýǵa septigin tıgizedi, bul ózgerip jatqan jańa álemniń basty talaby.
Osylaısha, Elbasynyń 2018 jylǵy Joldaýynda joǵary deńgeıli ındýstrııalyq sektordy paıdalaný týraly naqty aıtylyp otyr.
Aıman JÚSIPOVA,
Elbasy Qory janyndaǵy ÁESI-diń jetekshi sarapshysy
