«Byltyr elimizde bolǵan tabıǵı jáne adam qolynan jasalǵan qaıǵyly oqıǵalarǵa qaramastan, amerıkalyqtar ózderiniń qaısar ári batyl ekenin taǵy da bir ret dáleldedi. Biz odan ári qaýipsiz, kúshti jáne asqaq Amerıkany birge qura beremiz» dep málimdedi AQSh Prezıdenti Tramp. Joldaýda ultty birigýge shaqyrǵan, sonymen birge elektoratqa arnalǵan jáne ımmıgrasııa máselelerin qamtıtyn máselelerge basa nazar aýdardy.
Sonymen qatar AQSh Prezıdenti Tramp ekonomıka salasyndaǵy óz jetistikterin de atap ótti. «Ekonomıkanyń damýynda shaǵyn bıznestiń deńgeıi aıtarlyqtaı joǵarylady. Bırjada da rekordtyq kórsetkishter jetkilikti, jáne byltyr onyń kapıtaly 8 trıllıon dollarǵa jetti» dedi Tramp. AQSh Prezıdenti Kongresten ınfraqurylym nysandaryn modernızasııalaýǵa 1,5 trıllıon dollar qarastyrýyn surady.
«Amerıka bul úkimettiń jáne bıýrokratııanyń emes, senim men otbasylyq ómirdiń ortalyǵy ekenin bilemiz. Bizdiń uranymyz - «Qudaıǵa senemiz», dep málimdedi Tramp Amerıka halqyna arnaǵan joldaýynda.
Donald Tramp el qaýipsizdigin kúsheıtý maqsatynda Amerıkanyń eks-prezıdenti Barak Obamanyń Gýantanamo túrmesin jabý týraly sheshimin joıǵanyn málimdedi.
