Bas kelisimge qol qoıyldy

Otyrys barysynda mem­le­ket­tiń áleýmettik-eńbek saıasaty jáne «Tórtinshi ónerkásiptik re­vo­l­ıýsııa jaǵdaıyndaǵy damý­dyń jańa múmkindikteri» atty Jol­daýynda Elbasy Nursultan Nazarbaev júktegen min­det­terge sáıkes respýblıka azamat­tary úshin laıyqty eńbek jaǵ­daı­laryn jasaý máseleleri talqylandy.

Otyrys barysynda áleýmet­tik-eńbek qatynastaryn retteý­diń negizgi baǵyttary boıynsha taraptardyń kelisilgen pozı­sııa­laryn anyqtaıtyn el Úki­meti, respýblıkalyq jumys­shy­lar birlestikteri jáne respýb­lıka­lyq jumys berýshiler birles­tik­teri arasyndaǵy 2018-2020 jyl­darǵa arnalǵan bas kelisimge qol qoıyldy. Bas kelisim aıasynda qabyldanǵan mindettemelerdi iske asyrý boıynsha is-shara­lar jospary (jol kartasy) qara­lyp, bekitildi. Atalǵan qujat­qa Áleýmettik jáne eńbek qa­ty­n­astaryn retteý men áleý­met­tik seriktestik jónindegi res­pýb­lıkalyq úshjaqty komıs­sııa taraby, atap aıtqanda, Úki­met­ten Premer-Mınıstrdiń oryn­basary Erbolat Dosaev, jumys­shylar birlestikteriniń atynan Qazaqstan Kásipodaqtary fede­rasııasynyń tóraǵasy Baqyt­jan Ábdiraıym jáne Qazaq­stan­nyń eńbek kon­federasııa­sy­nyń bas hatshysy Murat Mash­kenov, jumys berýshiler bir­lestikteriniń atynan «Ata­meken» ulttyq kásip­ker­­ler palatasynyń bas­qarma tór­aǵasy Abylaı Myr­zah­metov, Jumys berýshiler kon­fe­de­ra­sııasynyń basqarma tór­aǵasy Qadyr Baı­kenov, Ken óndi­rýshi jáne Ken-metal­lýrgııa kásip­oryndarynyń respýb­lıka­lyq qaýymdastyǵynyń atqarý­shy dırektory, Qazaqstan taýar óndirýshileri men eksporttaýshylary odaǵynyń prezıdenti Nıkolaı Radostoves qol qoıdy.

Bas kelisimniń úsh jyldyq mer­zimge bekitilýi Úkimettiń áleý­met­tik seriktestikti damytýǵa nazar aýdaryp otyrǵandyǵyn bil­diredi. Bul óz kezeginde taraptar úshin birigip qyzmet etýdiń ba­sym baǵyty bolmaq. Qujattyń negiz­gi maqsaty kelisilgen áleý­met­­tik-ekonomıkalyq saıasat­ty júr­­gizý jáne eńbekkerlerdiń la­­ıyq­ty eńbek sharttaryn qam­ta­­ma­­syz etý úshin ózara jumys júr­­­gizý. Sondyqtan atalǵan keli­­sim Memleket basshysynyń «Qazaq­­­stann­yń úshinshi jańǵy­rýy: jahan­­dyq básekege qabi­lettilik» atty Jol­daýy, Eńbek kodeksi jáne kásip­o­daqtar týraly zańnamany eske­re otyryp ázirlengenin aıta ketken abzal.

Bas kelisim áleýmettik serik­testikti damytý, memlekettiń tu­raqty ekonomıkalyq ósimi men adam kapıtalyna ınves­tısııa­lar­dyń artýyn qamtamasyz etýge arqaý bolatyn áleýmettik-eńbek salasyndaǵy qatynastardy retteý qaǵıdalarynyń negizinde daıyndalǵan. Jańa kelisim­de kásipodaqtar úshin basym maq­sattar eńbek zańnamasynyń saqtalýyna baqylaýdy kúsheıtý, áleýmettik standarttardy kezeń-kezeńimen jaqsartý, eńbek qaýip­sizdigi men eńbekti qorǵaý máse­lelerin bekitý, eń tómengi kún­kóris deńgeıiniń kólemin anyq­taý ádistemesin jetildirý máse­le­leri ekenin aıta ketken jón.

«Kásipodaqtardyń negizgi maqsaty – kásibı ósý sharttaryn qamtamasyz etý jáne eńbektiń sapasyn arttyrýǵa qol jetkizý. Osy qujat – qol jetkizgen kelisimniń nátıjesi. Bul kásipodaqtar úshin respýblıkamyzdyń 6 mıllıonnan astam eńbekker azamattaryna laıyqty eńbek sharttaryn qamtamasyz etýge baǵyttalǵan maqsattaryna qol jetkizýine múm­kindik beredi», dedi Kásip­odaqtar federasııasynyń tóraǵa­sy Baqytjan Ábdiraıym.

2015-2017 jyldarǵa arnal­ǵan bas kelisimde qarasty­ryl­ǵan sharalardy iske asyrý ná­tıjesinde jalpy áleýmettik-eńbek qatynastary salasynda kórsetkishter jaqsardy. Iаǵnı, úsh jylda elimizdiń kásip­o­ryn­­daryndaǵy óndiris­tik jara­qattaný 1,4 paıyzǵa azaısa, orta jáne iri kásiporyn­daryn­daǵy ujymdyq-sharttyq qaty­nas­tarmen qamtý 3,1 paıyzǵa artty. 1400-den as­tam kásiporyn Ha­lyq­aralyq eń­bek uıymy usyn­ǵan qaýipsizdik jáne eńbekti qor­ǵaý boıynsha standarttardy en­giz­di. Sondaı-aq 12 myńnan as­tam óndiristik keńes qurylyp, quramyna teń negizde jumys berýshiler men jumyskerler ókilderi kirdi.

Dýman ANASh,

«Egemen Qazaqstan»