Bıyl Jambyl óńirinde buryn-sońdy bolmaǵan qys bolyp, saryshunaq aıaz eldi ábigerge salýda. Tipti oblystyń Moıynqum, Sarysý, Talas sekildi shalǵaı aýdandarynda kúnniń sýyqtyǵy 30 gradýstan asty. Keıbir aýyldardaǵy mektepterde sabaq toqtatyldy. Balalar túgili eresek azamattardyń óziniń jumysqa baryp-kelýi qıyndyq týdyryp turǵan kezde Sarysý aýdany Jańatas qalasynda qala turǵyndary úshin «Tegin taksı» qaıyrymdylyq aksııasy bastaý aldy.
Atalǵan aksııa aýdandyq «Jastar resýrstyq ortalyǵy» mekemesiniń ınspektor mamany Baýyrjan Balǵabaıdyń bastamasymen bastalyp, jańatastyq jastardan qoldaý taýypty. Áýeli aksııany uıymdastyrýshylar Jańatas qalasyndaǵy «Aıgólek» balabaqshasynyń tárbıelenýshileri men olardyń ata-analaryn turǵylyqty mekenjaılaryna jetkizý isin qolǵa alǵan. Sóıtip el razylyǵyna bólengen jastar áli de bul aksııanyń jalǵasa beretinin aıtýda.
Aıta keteıik, atalǵan sharaǵa 7 avtokólik jumyldyrylǵan eken. Aksııa barysynda júzden astam eresek azamattarmen qatar balalar da úılerine tegin jetkizilgen.
Hamıt ESAMAN,
«Egemen Qazaqstan»
Jambyl oblysy
