Kórmeniń basty maqsaty da sol, mýzeıge kelýshi túrli deńgeıdegi múmkindigi shekteýli jandardy jádigerlermen jaqynyraq tanystyrý arqyly olardyń tanym kókjıegin keńeıtip, qazaqstandyq jáne sheteldik mádenı qundylyqtardy tamashalaýlaryna jaǵdaı jasaý bolatyn. Kórmege kelgen jastar qolóner týyndylarymen tanysyp qana qoımaı, olardyń avtorlarymen de suhbattasyp úlgerdi. О́zderiniń suraqtaryn qoıyp, músin ónerine degen qyzyǵýshylyqtaryn bildirip jatty. Mundaı kórmeler múmkindigi shekteýli jandardyń shyǵarmashylyq qabiletterin arttyra otyryp, bos ýaqyttaryn tıimdi ótkizýlerine de yqpal etedi.
Kórmege qoıylǵan qolóner sheberleriniń, músinshilerdiń, sýretshilerdiń ár týyndysynan ulttyq bolmystyń boıaýyn anyq ańǵarýǵa bolady. Erekshe eksponattardy kelýshiler qolmen ustap, bildirip jatqan pikirlerinen biz osyny ańǵardyq. Sondaı-aq kórme ekspozısııasynda Erkinbek Esimovtiń týyndylarynan bólek Iýrıı Býshtrýk, Sergeı Sanakoev syndy Qazaqstan men TMD-nyń belgili músinshileriniń týyndylary bar.
«Bul ónermen bala jasymnan aınalystym. T.Júrgenov atyndaǵy óner akademııasyn támamdap, qazirgi tańda elordamyzda shákirt tárbıeleý ústindemin. Osy ýaqytqa deıin 500-deı óner týyndym el nazaryna usynyldy. Sonyń ekeýin osy mýzeıge syıǵa tarttym. Olar búgin balalar tamashalap jatqan «Tákappar túıe» jáne «Aýyl-túıe» dep atalatyn týyndym», deıdi E.Esimov.
Kórmege kelýshilerdiń kóbisiniń túrli deńgeıdegi múmkindigi shekteýli bolǵandyqtan, onda qoıylǵan jádigerlerdiń etıketajdary Braıl álipbıimen jazylǵan. Qulaǵy nashar estıtin kelýshiler úshin ekskýrsııa sýrdoaýdarma arqyly júrgizildi.
Mıras ASAN,
«Egemen Qazaqstan»
