Kórme - jerdiń alǵashqy jasandy seriginiń ushyrylýyna 60 jyl tolýyna arnalǵan aýqymdy shara. Bul bastamany alǵash ret 2017 jyly Baıqońyr ǵarysh aılaǵynyń negizin salǵan G.M. Shýbnıkov atyndaǵy № 1 orta mektep oqýshylary bastaǵan bolatyn. Sonymen birge bul sharany Baıqońyr qalasyndaǵy bilim berý mekemeleriniń oqýshylary da qoldap, nátıjesinde baıqońyrlyq oqýshylar 5,5 myńnan astam sýret daıyndady.
Bir mezgilde eki quqyqtyq negizde qyzmet etetin «Baıqońyr» kesheniniń aıryqsha mártebesin eskere kele, balalar óz shyǵarmalaryn Qazaqstan jáne Reseı Prezıdentterine joldaýǵa sheshim qabyldady. Sýretterdi Astana jáne Máskeýge jiberý – bul serikti ushyrý jáne orbıtaǵa baǵyttaý nyshanyn bildiredi. Shyǵarmalardyń bir bóligi Máskeýdegi Reseı Federasııasynyń Qoǵamdyq palatasynda kórsetilmek.
QP Tuńǵysh Prezıdenti N.Á. Nazarbaevqa 200 sýret toptamasy jiberildi. Balalardyń barlyq shyǵarmalary «Balalyq shaqtan kózqaras» jobasy aıasynda Astana qalasyndaǵy Elbasy kitaphanasynyń Mýzeıinde ótkiziletin kórkemsýret kórmesinde qalyń jurtshylyqqa usynylatyn bolady.
