Ońtústik Koreıanyń Phenchhan qalasynda XXIII Qysqy Olımpıada oıyndarynyń shymyldyǵy túriledi. Árıne tórtkúl dúnıe kóz tigetin dúbirli dodada elimiz negizinen qysqy sport túrleri qanat jaıǵan Shyǵys Qazaqstan oblysynyń sportshylaryna senim artatyny belgili. Sonymen baıraqty básekege Shyǵystan kimder barady?
Oblystyq dene shynyqtyrý jáne sport basqarmasy baspasóz qyzmetiniń taratqan málimetterine súıensek, tórt jyldyqtyń negizgi saıysynda ulttyq qurama sapynda Shyǵys Qazaqstannyń 12 sportshysy sporttyń 4 túrinen el namysyn qorǵaıtyn bolady. Olar: Alekseı Poltoranın, Elena Kolomına (ekeýi de Rıdderden, shańǵy jarysy), Dmıtrıı Reıherd (О́skemen, frıstaıl-mogýl), Iýlııa Galysheva, Pavel Kolmakov, Aıaýlym Ámirenova (úsheýi de О́skemennen, frıstaıl-mogýl), Galına Vıshnevskaıa (Semeı, bıatlon), Sergeı Tkachenko (Rıdder, shańǵymen tramplınnen sekirý), Vıtalıı Vıtenko, Olga Poltoranına, Elızaveta Belchenko jáne Vasılıı Podkorytov (tórteýi de Rıdderden, bıatlon).
Azamat QASYM,
«Egemen Qazaqstan»
Shyǵys Qazaqstan oblysy
