Bizdiń qalanyń ómirin tramvaısyz kózge elestetý múmkin emes. Dúrs-dúrs, tynymsyz tirshilik. Qalalyqtar ózderine esh bóget jasamaıtyn bul daýysqa ábden úırengen. О́ıtkeni travmaı – qaladaǵy joǵary suranysqa ıe qoǵamdyq kóliktiń biri. 40 jyldan asa qala turǵyndaryna qyzmet etip keledi. Qalalyq «Tramvaı basqarmasy» AQ eski tramvaılardy tolyǵymen jańǵyrtýdan ótkizbek. Bıyl Belarýs elinen jańa tramvaılar satyp alyndy. Aldaǵy ýaqytta da jańa tramvaı qatary kóbeımek. Kásiporyn mamandarynyń aıtýynsha, tramvaı táýligine 47 myńdaı jolaýshyny tasymaldaıdy. Tramvaı túnde de júredi. Relsti jol boıyna 77 vagon shyǵady.
Qalalyq máslıhat depýtaty Igor Veretnov zertteý jumystaryn júrgizip, tramvaı jolyn endi Kenjekól aýylyna deıin uzartý máselesin usynyp otyr. Bul aýyl oblys ortalyǵynyń irgesinde tur. Aýyldyq okrýg aýmaǵyna qaraıtyn Baıdala, Dolgoe, Áýejaı aýyldarynda 8 myńdaı halyq turady. Al «Tramvaı basqarmasy» AQ kásiporny qalanyń aldaǵy bas josparynda aýylǵa deıin baratyn joldyń áýejaı jáne áýe qalashyǵy, jańadan boı kóteretin «Dostyq» shaǵyn aýdany arqyly ótetin jol salynsa – jolaýshylar aǵyny jetkilikti bolar edi, deıdi.
Farıda BYQAI,
«Egemen Qazaqstan»
PAVLODAR
