«Sıfrlyq televızııalyq stansııa qurylysynyń josparly túrde oryndalýyn qadaǵalaýdy osyǵan jaýapty vıse-mınıstr men «Zerde» holdıngine tapsyramyn», dedi mınıstr.
Odan bólek memlekettik radıo habarlaryn tarartý da tıisti jumystaryn qajet etetindigin atady. «Qazaq radıosyn» 2 mln adam tyńdaı almaı otyr. «Shalqar» radıosynyń úni 5 mln turǵynǵa jetpeıdi eken. Bul ásirese elimizdiń shekaralyq aımaqtaryna qatysty», degen Dáýren Abaev birqatar derekterdi alǵa tartty. Onyń aıtýynsha osy rette atqarylatyn jumys aýqymy keńeıe túsedi.
Esterińizge sala ketsek, Astanada Premer-mınıstrdiń orynbasary Asqar Jumaǵalıevtiń, mınıstr Dáýren Abaevtyń qatysýymen Aqparat jáne kommýnıkasııalar mınıstrliginiń keńeıtilgen alqa májilisi ótip jatyr. Onda mınıstr memlekettik tapsyrys aıasynda byltyr 40 serıal túsirilgenin habarlady. Sonymen qatar Dáýren Abaevtyń aıtýynsha, Byltyr zorlyq-zombylyqty nasıhattaıtyn 9 myńǵa jýyq saıt jumysy toqtatylǵan.
Aıa О́MIRTAI
«Egemen Qazaqstan»
