Derjavın qalasynda sot jańa ǵımaratqa kóshti

Eńseli ǵımarattyń saltanatty ashylý rásimine Joǵarǵy sot janyndaǵy Sottardyń qyzmetin qamtamasyz etý depar­­tamentiniń basshysy Nur­­serik Shákirov, Aqmola ob­lys­tyq sotynyń tóraǵasy Dos­jan Ámirov, Aq­mola oblysy ákiminiń orynbasary Asqarbek Úısimbaev, Jar­qaıyń aýdanynyń ákimi Murat Bal­pan, sondaı-aq óńir­degi mem­le­kettik jáne quqyq qorǵaý organ­darynyń basshylary, ardagerler, sýdıalar men sot júıesiniń qyzmetkerleri, aýdan turǵyndary men BAQ ókil­deri qatysty.

Jınalǵan qaýym aldynda sóz alǵan N.Shákirov Jar­qaıyń aýdandyq sotynyń ja­ńa ǵımaraty qurylysynyń aıaqtalýy búkil Aqmola óńiri úshin jaǵymdy oqıǵa ekenin erekshe atady. Joǵarǵy sot or­gany aldaǵy ýaqytta da óz aı­bynymen zań ústemdiginiń saltanat qurýyna yqpal etetin sottar ǵımarattaryn salýdy jáne jóndeýdi maqsat etip otyr­­ǵanyn jetkizdi.

Sondaı-aq jınalǵan qaýym aldynda sóz alǵan oblystyq sot tóraǵasy D.Ámirov árip­tes­terin qonys toıymen qut­tyq­taı kele, bul ıgilikti is Elba­synyń sot mártebesin kó­terý jónindegi tapsyrmasy Aq­mola oblysynda júıeli oryn­­dalyp jatqanynyń aıǵa­ǵy ekenin jetkizdi.

О́z kezeginde oblys ákimi­niń orynbasary Asqarbek Úısim­baev sot tóreligi ústemdik qura­tyn jańa saraıdyń ashylýy aı­ryqsha oqıǵa ekendigin erekshe atady. Reti kelgende oblys ákiminiń orynbasary ıgilikti is bastamashysy bolǵan Joǵarǵy sotqa jáne Aqmola oblystyq sotyna alǵysyn jetkize kelip, ıgi tilegin bildirdi.

Aýdannyń bedeldi aqsaqal­darynyń biri Beriktas Baımol­dınov aq batasyn bergennen keıin jańa ǵımarattyń lentasy qıylyp, ishi kópshilikke kór­setildi.

Negizinen, sot ǵımaratynda aýdıo-beınetirkeý júıesimen jáne jańa tehnıkalyq qural-d­ar­­men jabdyqtalǵan eki sot zaly bar eken. Sonymen qatar sýdıalarǵa, prokýrorlar men advokattarǵa, sot oryndaýshylaryna arnalǵan kabınetter qarastyrylǵan. Budan basqa, keńesý bólmeleri, muraǵattaǵy istermen tanysýǵa arnalǵan oryn jáne kútý zalymen jab­dyq­talypty. Jáne de sot zaly­nyń kez kelgen jerinen qujat­tardy kórneki túrde kórsetýge ar­nalǵan yńǵaıly beıneproek­tor ornatylǵan. Kireberiste múm­kindigi shekteýli azamattar úshin arnaıy pandýs ornatylyp, eden tósemeleri kedergilersiz jáne tabaldyryqsyz etip jasalypty.

Asqar TURAPBAIULY,
«Egemen Qazaqstan»

Aqmola oblysy