Máskeýde Qazaqstan Respýblıkasy Parlamenti Senaty Halyqaralyq qatynastar, qorǵanys jáne qaýipsizdik komıteti men Reseı Federasııasy Federaldyq Jınalysy Federasııa Keńesindegi Halyqaralyq ister, Qorǵanys jáne qaýipsizdik komıtetteri músheleriniń birlesken otyrysy boldy.
Senat komıtetiniń tóraǵasy Darıǵa Nazarbaeva bizdiń elderimiz arasyndaǵy qatynastar ornyqty strategııalyq áriptestik sıpatyna ıe bolǵanyn atap ótti.
«Tıimdi parlamentaralyq yntymaqtastyqty damytý Qazaqstan men Reseı parlamentshileriniń senimdi únqatysý men nátıjeli jumystaryna yqpal etedi», dedi senator D.Nazarbaeva Qazaqstan Parlamentinde TMD PAA úlgi zańnamalyq aktilerin talqylaý men belsendi paıdalaný dástúrli tájirıbege aınalǵanyn, ol eki eldiń zańnamasyn úılestirýde tıimdiligin kórsetip otyrǵanyn atap ótti.
Reseı Federasııasy Federasııa Keńesi Tóraǵasynyń orynbasary Ilıas Ýmahanov Qazaqstan senatorlarynyń sapary dáıekti strategııalyq áriptestik pen bizdiń halyqtar arasyndaǵy tarıhı baýyrlastyqtyń jáne dostyq qatynastardyń kórinisi ekenin atap ótti. Memleketter kóshbasshylary V.V. Pýtın men N.Á.Nazarbaevtyń arasyndaǵy jyly shyraıly ári senimdi qatynastar eki eldiń qarym-qatynastaryn nyǵaıtýda atqarǵan róli orasan zor ekeni aıtyldy.
Taraptar Qazaqstan Senaty men Reseıdiń Federasııa Keńesi arasyndaǵy Yntymaqtastyq jónindegi komıssııa jumysynyń tıimdiligin atap ótti. «Osyndaı sıpattaǵy jumys ózin-ózi tolyqtaı aqtady jáne eki el arasyndaǵy strategııalyq áriptestikti nyǵaıtýda depýtattyq korpýs róliniń arta túsýine yqpal etedi», dedi D.Nazarbaeva.
О́tken 10 jylda Parlament bizdiń elderimizdiń arasynda 50-ge jýyq sharttardy ratıfıkasııalady, ol Qazaqstan men Reseıdiń ekonomıkalyq yqpaldastyǵyn údete túsýge oń yqpal etti.
Senatorlar sondaı-aq Iýrıı Gagarın atyndaǵy ǵaryshkerler daıarlaıtyn ǵylymı-zertteý synaq ortalyǵynda bolyp, baza ortalyǵyndaǵy jattyǵý nysandaryn aralady jáne onyń basshylyǵymen kezdesti. Depýtattar Iý.Gagarın eskertkishine gúl shoqtaryn qoıdy.
