Respýblıka boıynsha barlyq mektep 2017 jyldan bastap 5 kúndik oqý aptasyna, 40 mınýttyq sabaq júıesine kóshirildi. Jańartylǵan bilim mazmuny boıynsha sabaq beretin pedagogtardyń 71 % (QR-52%) biliktiligin arttyrdy. Aǵymdaǵy jyldyń 1 qańtarynan bastap jańartylǵan bilim mazmunyna kóshirilgen synyptarǵa sabaq beretin 5066 (43%) muǵalim laýazymdyq tólemge 30% ústeme aqy alýda.
Pedagog mamandardy daıarlaıtyn kolledjderdiń oqý baǵdarlamalaryna jańartylǵan bilim berý mazmuny engizildi jáne bıyldan bastap bitirýshi stýdentter dıplomdaryna qosymsha sertıfıkattar alyp shyǵady. Jańartylǵan bilim mazmunyna kóshirilgen synyptardaǵy barlyq oqýshy oqýlyqtar jáne oqý-ádistemelik keshendermen tolyq qamtamasyz etilgen. Aldaǵy oqý jylynda 3,6,8 synyptardyń oqýlyqtaryn 100% qamtamasyz etý maqsatynda oblys bıýdjetinen 2 027,95 myń teńge qarjy bólindi.
- Jańartylǵan bilim mazmuny boıynsha barlyq oqýshylardyń 44% (QR-42%) bilim alýda. Aldaǵy oqý jylynan bastap 3, 6, 8-synyptar kóshedi. Oblys ákimdigi men Nazarbaev Zııatkerlik mektebi derbes bilim berý uıymdary arasyndaǵy memorandýmǵa sáıkes, osy oqý jylynda 213 ádistemelik kómek kórsetildi, - dedi basqarma basshysy.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
