D.Nazarbaeva Parlament Senaty Halyqaralyq qatynastar, qorǵanys jáne qaýipsizdik komıteti men Federasııa Keńesi Halyqaralyq ister komıtetiniń birlesken otyrysynyń qorytyndylary týraly áńgimeledi. Senatordyń pikirinshe, Qazaqstan Parlamenti Senaty men Federasııa Keńesi arasyndaǵy Yntymaqtastyq jónindegi komıssııanyń jumysymen qosa parlamentaralyq ózara is-qımyldyń osyndaı tetigi Eýrazııalyq yntymaqtastyq jolynda týyndaıtyn naqty máseleler men kedergilerdi jedel sheshý úshin óte tıimdi.
V. Matvıenko eki eldiń parlamentteri joǵarǵy palatalarynyń múshelerin Qazaqstan men Reseı prezıdentteriniń tóraǵalyq etýimen jyl saıyn ótetin Aımaqaralyq yntymaqtastyq forýmyna belsendi túrde atsalysýdy usyndy.
Federasııa Keńesiniń basshysy Qazaqstandy BUU Qaýipsizdiń Keńesinde tabysty tóraǵalyq etýimen quttyqtady jáne D.Nazarbaevany bıylǵy qyrkúıekte ótetin Eýrazııalyq áıelder forýmyna qatysýǵa shaqyrdy.
Senattyń Halyqaralyq qatynastar, qorǵanys jáne qaýipsizdik komıteti tóraǵasynyń Reseı Memlekettik Dýmasynyń Tóraǵasy Vıacheslav Volodınmen kezdesýinde parlamentaralyq ózara is-qımyldy nyǵaıtý men ulttyq zańnamany úılestirý máseleleri talqylandy.
Máskeýge jumys babyndaǵy sapar barysynda Eýrazııalyq ekonomıkalyq komıssııa alqasynyń tóraǵasy Tıgran Sarkısıanmen, Eýrazııalyq ekonomıkalyq komıssııa alqasynyń músheleri (mınıstrler) Tımýr Jaqsylyqov jáne Marat Qusaıynovpen kezdesý boldy.
Eýrazııalyq yqpaldastyqtyń ózekti máselelerin talqylaı kelip, D.Nazarbaeva ıntegrasııalyq úderisterdi jarııa etýdiń jetkiliksizdigi jaıynda atap ótti. Senator EAEO televızııasyn qurý týraly usynys aıtty.
