«Avtoýragandy» iske qosysymen 2477 quqyq buzýshylyq anyqtaldy. Olardyń arasynda 1092 quqyq buzýshylyqty Reseı Federasııasynyń memlekettik tirkeý nómerimen júrgen júrgizýshiler jasaǵan. Olardyń eshqaısysy Qostanaı polısııasynda tirkelmegen. Reseı Federasııasynyń memlekettik tirkeý nómirimen júrgenderdiń barlyǵy «Avtoýragan» aqparattyq-baǵdarlamalyq keshenine jazylyp alyndy. Bul avtomobılderdi jedel ustaýǵa kómektesedi. Mashınalar arnaıy orynǵa qoıyldy. Osy jumystyń nátıjesinde 21 mashına ustaldy, 17 júrgizýshige ákimshilik is qozǵaldy.
«Bul shara jol erejesiniń saqtalýyna az da bolsa yqpalyn tıgizdi. Reseıdiń nómiri ilingen mashına júrgizýshilerine aıyppuldy departamenttiń bólimindegi arnaıy ortalyq anyqtaıdy», deıdi polısııa polkovnıgi Asqar Narataýov. Sonymen RF nómirimen tirkelgen kólikterdiń 41 júrgizýshisi 245 533 teńge aıyppul tóledi.
Názıra JÁRIMBET,
«Egemen Qazaqstan»
Qostanaı
