Almaty mýzeıi tatar halqynyń mádenıetimen tanystyrdy

Osyǵan deıin orys, býrıat, aýǵan, osetın, cheshen-ıngýsh, belarýs, ýkraın, túrkimen, Qyrym tatarlary men Jetisý kazaktarynyń kórmeleri uıymdastyryldy. Bul kórmelerdiń maqsaty –  qalamyzdaǵy ulttyq máde­nı ortalyqtar arqyly ártúr­li ult ókilderiniń turmys-tirshiligimen jete tanystyrý. Sonymen qatar ulttyq birlik qundylyqtarynyń negiz­deri, qazaq halqynyń tolerant­tyǵy, Qazaqstan halqy As­samb­leıasynyń etnosaralyq qatynastar salasyn retteýdiń qoǵamdyq-saıası ınstıtýty retindegi qalyptasýy men damýy kórmege basty taqyryp retinde alynǵan. Ári mýzeı qoryna ártúrli  ult ókilderiniń jádigerlerin jınaqtaý da kózdelip otyr.

Bul joly kórmeniń kezekti sharasy «Ildash» tatar gýmanıtarlyq damý orta­lyǵyna arnaldy.

Kórmeniń ashylýyna jı­nal­ǵan jurtshylyq el­diń jarqyn keleshegine qatys­ty jaqsy lebizderin bildir­di. Almaty qalalyq máslıha­ty­­nyń depýtaty, «Ildash» tatar gýmanıtarlyq damý or­ta­ly­ǵynyń tóraǵasy Nýrı Nııazova, Almaty qalasy tatar etnomádenı birlestiginiń tóraǵasy Tursyntaı Ǵabıtov rızashylyqtaryn bildirip, eldiń esendigi úshin alǵys aıtty. Saltanatty jıyn túrli mádenı sharalarǵa, án-kúıge ulasty.

Aınash ESALI,

«Egemen Qazaqstan»

ALMATY