Jaqynda osyndaı taksıdiń birimen О́skemennen 130 shaqyrymǵa jýyq jerdegi Rıdder qalasyna baryp keldim. Bul shaharǵa avtobýspen 2,5-3, taksımen bir saǵattan astam ýaqytta jetýge bolady. Júrgizýshimiz sózsheń eken. Barǵansha tizgin tartpady. Sóz arasynda: «Meniń osyndaı degen dosym bar, ózi Zaısannyń jigiti, Rıdderge 45-aq mınýtta barady. Týra 170-pen júıtkıdi. Burylystyń ózinen 120-men burylady. Keshe sońyna túsip kórip em, biraq uzaqqa shydaı almadym», – dedi. Maqtaǵanyn, ne dattaǵanyn túsinbedik. Tek 170 degendi estip, ne tańdanarymyzdy, ne kúlerimizdi, ne jylarymyzdy bilmeı ańtarylyp otyrǵanymyzda: «Kóliginiń nómiri osyndaı. «inDriver-den» taýyp alýǵa bolady. Ákesi de «ulym myqty júredi» dep maqtanady» dep sózin jalǵady.
Maqtan demekshi, ara-tura taksıge otyrǵanymyzda «ana dosym osynsha jyldamdyqpen júredi», «myna dosym ana jerge osynsha saǵatta jetkizedi» degen lepirme sózderdi jıi estip qalyp júrmiz. Barar jerimizge asyqpaı, aman-esen jetkenimizge emes, apyl-ǵupyl, asyǵa-úsige jetkenimizge masattanatyn bolyppyz. Maqtan túbi qaıda aparyp soǵaryn kim bilsin?!
Azamat QASYM,
«Egemen Qazaqstan»
О́SKEMEN
