OQO bilim salasyna qosymsha qarajat suralady

Biraq 2018 jylǵy bekitilgen bıýdjet boıyn­sha 5,4 mlrd teńge ǵana bólingen. Iаǵnı, 3-10 synyp aralyǵyndaǵy oqýshylardy oqýlyqtar men oqý-ádistemelik keshendermen qamtamasyz etýdi 100 paıyzǵa jetkizý jáne kitap­hana qoryn 20 paıyzǵa jańartý úshin 2,2 mlrd teńge qosymsha qarjy qajet.

Sonymen qatar Ońtústik Qazaq­stan oblysy boıynsha mektepke deıingi tárbıe men oqytýǵa jalpy sıpattaǵy transfertter­di (sýbvensııa) esepteý barysyn­da 2018 jyldyń 1 qańtaryna 143 702 orynǵa jáne jańa 10 690 orynǵa 1 balaǵa 19354 teńgeden 34,4 mlrd teńge qar­jy jáne ekologııalyq aýdan­dar­ǵa 1 balaǵa 3 841 teńge­den respýblıkalyq bıýdjetten nysanaly transfertter esebinen 1,6 mlrd teńge, barlyǵy 154 392 orynǵa 36,0 mlrd teńge qarjy bólingen. Biraq elimizdiń 2007 jylǵy 27 shildedegi «Bilim týraly» zańy 62 babynyń 4-1 tarmaǵyna, Bilim jáne ǵylym mınıstrliginiń 2017 jyldyń 27 qarashasyndaǵy «Mektepke deıingi tárbıe men oqytýdy, orta, tehnıkalyq jáne kásiptik, orta bilimnen keıingi, joǵa­ry jáne joǵary oqý ornynan keıingi bilim berýdi jan basyna normatıvtik qarjylan­­dy­rý ádistemesin bekitý týral­y» buıryǵyna sáıkes, mektepke deıingi tárbıe men oqytýdy jan basyna qarjylandyrý nor­matıvi boıynsha 2018 jylǵy 154 392 orynǵa qosymsha 15,6 mlrd teńge qarjy kerek.

OQO elimizdegi halyq eń kóp shoǵyrlanǵan óńir. Oblystyń 844 eldi mekeninde 3 mln jýyq halyq turady. О́ńirdegi halyq sanynyń tabıǵı ósimine baılanysty jyl saıyn 35-40 mekteptiń quryly­syn júrgizý qajettiligi týyndaý­da. Birinshi kezekte sheshýge tıis máseleniń biri – bilim standartyna sáıkes kelmeıtin úsh aýysymdy jáne apatty mektepter. Osy máseleni sheshý úshin bilim berý salasy boıyn­sha jalpy quny 6,3 mlrd. teń­ge, jobalyq qýatylyǵy 5 100 oryndy quraıtyn 9 nysan­n­yń jobalaý-smetalyq qujat­tama­sy ázirlengen, osyǵan sáıkes ny­san­dardyń qurylysyna 2018 jyl­ǵa 8,5 mlrd teńge qarjy qajettiligi týyndaýda.

Jalpy, Ońtústik Qazaqstan obly­syndaǵy bilim salasy má­se­leleriniń bárin sheshý úshin respýblıkalyq bıýdjetten qo­symsha 26,4 mlrd teńge bólin­se salanyń odan ári damýyna oń yqpal tıgizetini anyq. Osy máse­lelerdi alǵa tarta otyryp Premer-Mınıstr Baqytjan Saǵy­ntaevtyń atyna depýtattyq saýal joldadyq. 

Álimjan QURTAEV,
Senat depýtaty