Qazirgi kezde joǵary oqý oryndarynda jataqhanalar jetispeıtini belgili. Stýdent jastardyń bir bóligi páter jaldap turady. Baspananyń jaısyzdyǵy oqý sapasynyń tómendeýine ákelip soǵady. Sondyqtan Elbasynyń bir-eki jyldyń kóleminde jataqhanaǵa muqtaj bolyp júrgen stýdent jastarǵa jataqhana salyp berý jáne ony memlekettik-jekeshelik áriptestik qaǵıdalary boıynsha qolǵa alý týraly aıtqan usynysy ýaqytqa óte saı boldy. Damyǵan kompanııalar men bızneste júrgen jandar birlese qarjy salyp, jataqhana qurylystaryn qolǵa alatyn bolsa, bitpeıtin is joq. Taǵy bir aıta ketetin másele – halyqqa jeke menshik turǵyn úı salý máselesi. Bul halyqqa tıimdi. Basqany aıtpaǵanda, qurylys qarqyny ósse, biraz adam jumyspen qamtylady.
Shaǵyn jáne orta bıznesti damytýǵa, máselen úı qurylysy keń óris alady jáne jumys oryndary kóbeıedi. Máselen, bir myń adamǵa mıkrokredıt beretin bolsa, bir adam keminde bes adamǵa jumys beredi, isti ilgeriletip, kásipti qolǵa alady. Osy turǵydan alǵanda halyqtyń ál-aýqatyn jaqsartýǵa jol ashylady dep oılaımyn.
Birǵanym ÁITIMOVA,
Senat depýtaty
