Demalys kúnderi respýblıka boıynsha kitaphanalar, mádenıet oshaqtary men bilim berý uıymdary naǵyz rýhanı ortalyqtarǵa aınalmaq. Baǵdarlama aıasynda ashyq aspan astynda kitap oqý alańdary, shyǵarmalar negizinde túsirilgen fılmderdiń kórsetilimi, kitap klýbtarynyń basqosýlary men búldirshinderge arnalǵan túrli tanymdyq jobalar uıymdastyrylady.
Abaı oblysynda balalarǵa arnalǵan «Kitap oqý alańdary» aksııasy men «Demalys pen kitap – shabyt úndestigi» atty poezııa keshi ótedi.
Aqmola oblysynda «Men álemdi kitap arqyly bilemin» ádebı keshi men «Quiz book: Bilim báıgesi» zııatkerlik oıyny josparlanǵan.
Aqtóbe oblysynda «Kitap – trendte!» atty ádebı-tanymdyq kesh ótkiziledi.
Batys Qazaqstan oblysynda oqýshylar úshin «Kitap keıipkerleri sóıleıdi» atty erekshe formattaǵy shara uıymdastyrylmaq.
Jetisý oblysynda «Aqyndar murasy» poezııa keshi men zııatkerlik saıystar ótedi.
Qyzylorda oblysynda «Kitap – sarqylmas qazyna» atty aýqymdy oqý marafony óz máresine jetpek.
Mınıstrliktiń baspasóz qyzmeti habarlaǵandaı, bul jobalardyń barlyǵy qoǵamnyń zııatkerlik áleýetin arttyrýǵa jáne kitaptyń adam ómirindegi rólin aıshyqtaýǵa negizdelgen.
