"Tipti men balaǵa suraq qoıa almaımyn. Meniń maqsatym - balanyń qaýipsizdikte ekenin anyqtaý edi. Onyń janynda týǵan-týysqandary bar, olar tergeýshiniń qaýlysyna sáıkes, zorlyq taqyrybynda sóılemeýi tıis. Bala demalýy kerek, onyń janynda psıholog bar. Bala óte kóńildi. Demalýy úshin bir-eki kún kerek sııaqty", - dedi ol.
Depýtat balanyń anasymen tildeskenin aıtty. "Bala qaýipsiz jerde ekenine kóz jetkizdim. Anasyn kóp ýaqyt boıy taba almadyq - anasymen sóılestim, ol da kelisti. Endi Astanada kezdesemiz, olar menimen birge Astanaǵa ushady. Balaǵa qolaıly jaǵdaı jasaý qajet, sebebi qosymsha saraptama jasaý balaǵa stress. Memlekettik organ ókilderi klınısıster men psıhologtardy, psıhıatrlar men balalar dárigerin berýge daıyn", - dep atap ótti Bálıeva.
Sonymen qatar, Bálıeva qazirgi memlekettik baǵdarlamalar boıynsha bala men onyń otbasy qorǵaýǵa alynyp, jumyspen, baspanamen jáne jańa mekteppen qamtamasyz etiledi. "Otbasynyń barlyq múshesi, onyń ishinde sheshesi jumysqa ornalasa alady. Olarǵa baspana beriledi. Ol jańa mektepke barady, jańa dostary bolady. Oǵan qazir ǵana emes, bolashaǵyna da qaýipsiz jaǵdaı jasaýymyz qajet. Sebebi balanyń bolashaǵy bar. Ájesimen sóılestik, olar kóshýge daıyn", - deıdi ol.
Buǵan deıin Zaǵıpa Bálıeva zorlyq kórdi delingen balamen kezdesý úshin Shymkentke 14 naýryzda túngi ýaqytta ushyp kelgen bolatyn. Eske salaıyq, jelide OQO-nyń Saryaǵash aýdanyndaǵy Abaı aýylynda jeti jasar bala zorlandy degen aqparat taraǵan.
Keıin osy jaǵdaıǵa qatysty OQO IID ókilderi bul derekke qatysty QR Qylmystyq kodeksiniń 121-babynyń 4-bóligi ("Seksýaldyq sıpattaǵy zorlyq-zombylyq áreketteri") boıynsha qylmystyq is qozǵalǵanyn habarlaǵan. Alaıda kúdiktiler nemese ustalyp, qamalǵandar jaıly eshqandaı málimet túspedi. Artynsha bilim jáne ǵylym vıse-mınıstri Bıbigúl Asylova saraptama qorytyndysy oqýshy balanyń zorlanǵanyn rastaǵanyn habarlaǵan.
