О́zbekstannyń Qazaqstandaǵy jyly: Ustanymdar uqsastyǵy ortaq maqsattarǵa jeteleıdi

Keńes odaǵy ydyraǵannan keıin 1991 jyly táýelsiz Qazaq­stannyń tarıhynda jańa kezeń bastaldy. Eldiń ulttyq tarıhynda da úlken betburystar jasalyp, eleýli oqıǵalar boldy.

Qazaqstan joly – postke­ńestik memleketterdiń ishinde aýma­­ǵy jaǵynan ekinshi oryn alatyn iri jol. Munda 130-ǵa jýyq et­nos ókilderi tatý-tátti ómir súr­ýde. Munyń ózi jas mem­le­ket­­tiń tu­raq­tylyq pen or­nyq­­ty damýǵa qol jetkizip kele jat­qa­nyn ań­ǵart­sa kerek. Búginge de­ıin mem­leket­tiliktiń berik negizi qa­la­nyp, ekonomıka turaqty túrde ór­ken­dedi jáne barlyq elmen jara­symdy qa­rym-qatynas qalyptasty.

Qazirgi tańda Qazaqstannyń aldynda turǵan maqsat-mindet­teri men aldaǵy josparlary bárine aıqyn. Qazaqstan Prezı­denti Nursultan Nazarbaev usyn­ǵan «Qazaqstan-2050» Stra­te­gııasy men «Tórtinshi óner­ká­sip­tik revolıýsııa jaǵ­daıyndaǵy damýdyń jańa múm­kin­dikteri» atty bıylǵy Jol­daý qazaq­standyqtardyń tyń serp­ilis jolyna túskendigin kórsetedi.

Qazaqstan Respýblıkasy Pre­zı­dentiniń Joldaýy men ótken jyly О́zbekstan Res­pýb­­­lı­kasynyń Prezıdenti Sh.M.Mırzııoevtiń el parla­men­ti­ne, Olıı majlısine arnaǵan Jol­daýy arasynda bir úndestik bary seziledi. О́zbekstan tarıhynda tuńǵysh ret qabyldanǵan bul baǵdarlamalyq qujatta О́zbek­stan Prezıdenti búgingi jaǵdaıǵa qazaq áriptesi tárizdi ádil baǵ­a­syn berip, bolashaqtaǵy mindet­ter­di aıqyndap ótti.

N.Nazarbaev Joldaýyn stra­tegııalyq, ıaǵnı kókjıekten kózge shalynǵan mejelerge jetý strategııasy jáne álemdik uly kóshten qalmaý úshin damýdyń sara jolyn anyqtaıtyn baǵyt dep te qaraýǵa bolady.

Prezıdent alǵa qoıǵan 10 bas­ty mindetti júzege asyrý Qazaq­stan­nyń túpki maqsatyna jetýine – damyǵan 30 eldiń qata­ryna kirýine dańǵyl jol ashady.

Bul arada mańyzdylyǵy men tıimdiligi boıynsha úsh máseleniń betin ashyp alý qajet.

Aldymen modernızasııanyń negizi bolyp tabylatyn adam kapı­taly ekeni ras. Barlyq jas­taǵy azamattardy túgel qamtı­tyn aldyńǵy qatarly bilim jú­ıe­sin qalyptastyrý mindeti aı­qyn. Sapaly bilimniń bastaýyn Prezıdenttiń ózi «Jalpyǵa qol­je­tim­di kásibı-tehnıkalyq tegin bilim» esebinen mejelep berdi. Munyń qatarynda negizgi maman­­dyq­tarǵa baılanysty stan­dart­tar­­dy jasaqtaý men jańa bilim berý baǵ­d­arlamalaryn qurýdy atap ótýge bolady.

Ekinshiden, qarjy sektorynda Prezıdent bankter Úkimetpen birlese otyryp, kásipkerlerdiń naqty ekonomıkalyq múmkin­dik­terin saralaı kele, uzaq mer­zimdi nesıeleý qajet ekendigin qadap aıtty.

Úshinshiden, memlekettik tıim­di basqarýsyz qazaqstan­dyq­tar­dyń aldynda turǵan ótkir máse­le­lerdi túbirimen sheshý múm­kin emes dep esepteımin.

Qazaqstan Prezıdenti jol­da­ǵan baǵ­darlamalyq qujat sheteldik sarapshylar men qo­ǵam­dastyq tarapynan joǵary baǵalanyp otyr. Álem Qazaq­stannyń turaq­ty, senim­di, tózimdi memleket eken­digin áldeqashan moıyndap qoıǵan. Demek, Qazaqstan tek post­keńes­tik aımaqtaǵy eń iri memle­ket­ter­diń biri ǵana emes, aldymen beı­bit­shil saıasaty arqyly tanymal el ekendigi talas týdyrmaıdy.

Qazaqstan men О́zbekstan­nyń búgingi saıasaty 1991 jyly irge­tasy qalanǵan memlekettik jáne qoǵamdyq reformalardyń zańdy jalǵasy bolyp tabylady. Endi mine, táýelsizdik jyl­darynda dúnıege kelgen býyn ósip jetildi. Osyǵan baı­lanysty memleketti qalyptas­tyrýdaǵy tájirıbeni endi qazirgi urpaqtyń talaby men tárbıesine qatystyryp, mem­lekettiń ári qaraıǵy turaqty damýyna jumsaýymyz qajet.

Qos memlekettiń baılanysy mádenı-gýmanıtarlyq, tarıh ǵylymy jáne bilim salalarynda da jalǵasyn tabýy tıis.

Alısher SABIROV,

Nızamı atyndaǵy Tashkent memlekettik pedagogıkalyq ýnıversıtetiniń doktoranty, tarıh ǵylymdarynyń kandıdaty