Múgedekter quqyǵyn qorǵaý Jenevada qaraldy

S.Jaqypova múgedekter qu­qyq­tary máselesi boıynsha BUU ar­naıy baıandamashysy Kata­lına Devandas-Agılıardyń ın­teraktıvti dıalogy sheńberinde sóz sóıledi. Dıalog barysynda sarapshynyń 2017 jylǵy qyr­kúıektegi Qazaq­stanǵa sapary nátıjesi boıynsha daıyndaǵan baıandamasy usy­nyl­dy. Bul qujat eńbek jáne áleý­met­tik qamtý, ınklıýzıvti bilim­di engizý, saılaý quqyqtaryn júze­ge asyrý, quqyqtyq kómektiń qoljetim­di­ligi, sonymen qatar elimiz­degi múm­kindigi shekteýli adam­dar­dyń múm­kindikteri men quqyq­taryn ári qaraı ulǵaıtý boıynsha sarapshy usynystaryn jáne Qazaqstandaǵy basty áleýmettik sala­lardaǵy múge­dek tulǵa­lardyń jaǵ­daıyn keshendi jáne jan-jaqty taldaýdy qamtıdy.

Arnaıy baıandamashy Qazaq­stan Úkimetine shaqyrǵany jáne óziniń mandatymen tyǵyz ynty­maqtastyq ornatqany úshin alǵys bildirdi. 2015 jyly ratı­fı­ka­sııalanǵan Múgedekter quqyq­tary jónin­degi BUU Konvensııa­sy sheńber­gindegi mindetterdi oryn­daýdaǵy memle­kettiń nátıjeli jumysy eskerildi. О́z kezeginde, mınıstrdiń orynbasary sarapshy baıandamasyna oraı jasal­ǵan Qazaqstan Úkimetiniń túsi­­nik­te­melerin usynyp, múge­dek adamdardyń quqyq­taryn qam­tamasyz etý salasyndaǵy mem­leket­tiń ári qaraıǵy qadamdary týraly jetkizdi.

Sol kúni Jenevadaǵy Qazaq­stannyń turaqty ókildigi Katalına Devandas-Agılıarmen birlesip, Adam quqyqtary jónindegi keńes­ke múshe memleketter men baı­qaýshy delegasııalar, sonymen qatar ha­lyqaralyq úkimetaralyq jáne úki­­mettik emes uıymdar úshin Kon­ven­sııany ımplementasııa­laý boıynsha Qazaqstannyń táji­rı­besine arnalǵan is-shara ótkizdi.

Is-sharanyń spıkerleri retinde Múgedekter quqyqtary jónindegi BUU Komıtetiniń tóraǵasy Tere­zııa Degener, Halyqaralyq múge­dekter alıansynyń adam quqyq­tary boıynsha aǵa keńesshisi Sılvııa Kvan jáne «Shyraq» múge­dek­ áıelder assosıa­sııasy» qoǵamdyq bir­­lestik basshysy, Qazaqstan Úki­meti janyndaǵy múge­­dek­tik is­teri boıynsha úıles­tirý keńesi­niń múshesi Lázzat Qaltaeva sóz sóıledi.

Is-sharanyń basty maqsaty Qazaqstan Úkimeti janyndaǵy múgedekter isteri boıynsha sátti jumys istep jatqan úı­les­tirý keńesiniń tájirıbesi ne­gizin­de BUU Konvensııasynyń sheń­berin­de mindetterdi oryndaý boıynsha Qazaqstannyń sátti tájirı­besi men Konvensııanyń 33-1-babynda qarastyrylǵan úıles­tirý meha­nızmin qurý men onyń qyzmetine qatysty praktı­ka­lyq nusqama jóninde habarlaý boldy.

О́z kezeginde, Jeneva qala­syn­daǵy BUU jáne basqa halyqara­lyq uıymdar janyndaǵy Qazaq­stan­­nyń Turaqty ókili, el­shi Janar Aıtjanova qatysý­shy­lar­­ǵa Prezıdent Nursultan Nazarbaevtyń jańa bes áleý­mettik bas­­tamalary týraly ha­bar­­lap, olar­dy júzege asyrý ba­­ry­­synda múm­kindigi shekteýli adam­dar­dyń quqyq­taryna erekshe nazar aýda­ry­latyndyǵy jóninde atap ótti.

«Egemen-aqparat»