Oblystyń ekonomıkalyq damý deńgeıiniń basym baǵyttarynyń biri – agrarlyq sektor. Máselen, eksport áleýetin arttyrý úshin oblysta mal sharýashylyǵyn damytýdyń keshendi baǵdarlamasy iske asyrylýda. Al et óndirý jáne óńdeý isi óńir eksportyn aldyńǵy qatarǵa bastaýy tıis.
– Eń bastysy, básekelestikke bastar múmkindikterdi paıdalana otyryp, artyqshylyqtar tıimdi qoldaný, – dedi oblys ákimi Danıal Ahmetov, – sondyqtan joǵary sapaly daıyn ónimder naryǵyna shyǵý úshin aýstralııalyq «Eýrazııa AgroHoldıng» JShS kompanııasymen tize qosyp, Aıagóz aýdanynda et óńdeıtin kombınat salý jumystary júrgizilýde. Budan bólek bizdiń tarapymyzdan nysanǵa 468 mln teńgeniń barlyq qajetti ınfraqurylymy júrgizilip, jobalaý-smetalyq qujattamasy ázirlenip jatyr.
Sondaı-aq «AgroPortal» JShS ırandyq kompanııanyń qatysýymen Semeıde et óńdeý kombınatynyń qurylysy boıynsha iri ınvestısııalyq jobany júzege asyrýǵa daıyn. Osy rette ótken jyldyń sońynda IDM Investısııalar komıteti men «AgroPortal» JShS arasynda ınvestısııalyq kelisimshartqa qol qoıylǵandyǵyn atap ótken jón.
Sonymen qatar Shyǵys Qazaqstanda halyqaralyq standarttar boıynsha aýylsharýashylyq ónimderin suryptaýdyń búkil jıyntyǵyn júzege asyratyn zerthana ashylady. Oblys basshysynyń aıtýynsha, «qytaılyq standarttar boıynsha sertıfıkattaý – aspanasty eliniń naryǵyna aparatyn tóte jol».
– Biz úshin Qytaı naryǵy mańyzdy, – dedi Danıal Kenjetaıuly, – qazirgi kúni oblysta qazaqstandyq ónimderdi qytaılyq standart boıynsha sertıfıkattaý zerthanasyn qurý jumystary júrgizilýde. Osy másele boıynsha bıyl qańtarda Qytaı Halyq Respýblıkasynan bir top maman bizdiń oblysqa kelip qaıtty. Zerthanany ornalastyratyn ǵımarat daıyndalýda. Quny mıllıardtan astam teńge bolatyn qondyrǵyny jetkizý jumysyn qazan aıynda bastaımyz.
Raýshan NUǴMANBEK, jýrnalıst
SEMEI
