Naqty aıtqanda, almatylyqtar «DOC Co.LTD» JShS jergilikti óndirisiniń kartrıdjderin, «Almapack Co.LTD» JShS qospalarǵa arnalǵan qaǵaz qaptardy, «BRB APK» jylyjaı kesheniniń balǵyn kókónisterin satyp alýǵa kóshti.
Kásiporyndar iske qosylǵan sátten bastap 3,2 mıllıard teńgeniń ónimin óndirdi. Qala bıýdjetine 107 mıllıon teńge qarjy quıyp, 252 jańa jumys ornymen qamtamasyz etti. Qazir iske qosylǵan osy 3 nysan men 2018 jyldyń sońyna deıin 12 jobany qosymsha engizý nátıjesinde salyq mólsheri 1 mıllıard teńgeden asady dep kútilýde.
– Indýstrııalyq aımaqty damytý qalalyq ákimdiktiń basty nazarynda tur. О́nerkásiptik aımaqty damytýdaǵy aýqymdy jumystar nátıje bere bastady. Mysaly, aǵymdaǵy jyly ınfraqurylymdardyń qurylysyn 62 paıyzǵa, al 2019 jyly tolyǵymen aıaqtaýdy josparlap otyrmyz. Sol ýaqytqa qaraı jumysy aıaqtalǵan jobalardy qaperge ala otyryp, taǵy 22 ınvestısııalyq jobany iske asyrý josparlanǵan, – dedi ónerkásip kásiporyndary qyzmetiniń monıtorıng bóliminiń basshysy Rústem Voroshılov.
Bıznesti tıimdi júrgizý úshin jasalǵan jaǵdaılar men ınfraqurylymnyń is júzinde tolyq daıyndyǵy sheteldik jáne qazaqstandyq ınvestorlardyń Almaty ındýstrııalyq aımaǵyna degen úlken qyzyǵýshylyǵyn týdyrady. О́tken jyly ótinishterdiń sany 2016 jylmen salystyrǵanda 3 esege artty. Investorlardy Kásipkerlikti qoldaý kartasynyń kómegimen ruqsat qaǵazdaryn resimdeý men jyldamdatý boıynsha ákimshilik kedergilerdiń tómendetilgeni qyzyqtyrady. Budan basqa barlyq osyndaı kásiporyndar Almaty ındýstrııalyq aımaǵynyń bir klasterlik sektorynda ornalasqan. Sondaı-aq qala ákimi Baýyrjan Baıbektiń tapsyrmasy boıynsha «Indýstrııalyq aımaq» JShS jumys toby jáne basqarýshy kompanııasy quryldy. Onyń mindeti jobany iske asyrýdy jedeldetýde ınvestorlardy qoldaý jáne olarǵa barynsha kómek kórsetý boıynsha árbir ınvestormen naqty jumys júrgizý bolyp tabylady.
Búginde Almaty ındýstrııalyq aımaǵynyń aýmaǵynda 70 gektar bos jer telimi bar. Al 200 gektardan astam jer telimi ınvestısııalyq jobalardy iske asyrý úshin kásipkerlik sýbektilerine bólinip berildi.
Aınash ESALI,
«Egemen Qazaqstan»
ALMATY
