Abyz aqsaqal Baıan Janǵalovty eske alý keshi ótti

Kesh barysynda jýyrda ǵana ja­ryq kórip, Baıan Janǵalulynyń ómir­baıany men eńbek jolyna arnalyp, ony jaqsy bilgen, birge qyz­met atqarǵan jandardyń este­likterimen tolyqtyrylǵan «Aǵyn sýdyń tunyǵy edi» kitaptyń tu­saýy kesildi.

Zerendi aýdanynyń taǵy bir eń­bek ardageri Muhıt Qabdeshev jaz­ǵan kitaptyń kirispesinde: «Qur­metti oqyrman!

Aýyl bılegen, aýdan, oblys­ basqarǵan adamdar qaıda joq. Bizde de jetkilikti. Biraq kóbisi ke­te salyp, kóńilden óshken. At­tan túsken soń nemese dúnıe­den ozǵannan keıin esimi de umy­tyl­ǵan. Árıne eshkimdi kúshtep súı­kim­di ete almaısyz. Al jaqyn ta­nysa da, jete tanymasa da adam­dar­dyń jyly lebizine ıe bolatyn tul­ǵalar da bolady. Sondaı el súıingen azamattardyń biri – Baıan Jan­ǵalov.

Bıyl Baıan aǵanyń qaıtys bol­ǵanyna bes jyl toldy. Áli de aǵamyz eldiń esinde, aty jurt aýzynda.

Men aǵanyń basshylyǵymen on jyldan astam qyzmet istegen, zeı­net demalysyna shyqqan soń da janyna jaqyn júrgen shákirt­teriniń birimin. Aǵamyz bizderdi, biz sııaqty basqa da bolashaqqa bet túzegen jas túlekterdi balasyn­daı súıip, balapanyndaı baýlyp, kóńildiń qybyn, istiń jigin tabýǵa, qıyn túıinderdi sheber sheshýge úıretti. Bizdiń aramyzdan aǵa sııaq­ty el bılegen talaı azamattar­ shyqty.

Osy arada kári men jastyń da, úl­ken men kishiniń de qurmetine, maq­tanyshyna aınalatyndaı Baıan aǵanyń qandaı qasıeti bar de­gen zańdy suraq týady. Bul suraq­tyń jaýabyn menen buryn basqa shá­kirtteri, zamandastary aıtsyn dep oıladym da, olarmen habarlastym.

Meniń usynysymdy eskerýsiz qal­­dyrmaı, Baıan aǵa týraly este­likterimen bólisken barlyq aza­mattarǵa aıtar alǵysym sheksiz. Sizderdi aǵamyzdyń rýhy qorǵap, qol­dap, qorshap júrsin, ıgi iste­rińizge baǵyt, baǵdar bersin dep tileımin» degen sózder jazylǵan.

Estelik kitapta Qazaq KSR Jo­ǵarǵy Keńesiniń Tóraǵasy Báıken Áshimovtiń, ataqty jazýshylar Ábdijámil Nurpeıisovtiń, Estaı Myrzahmetovtiń, Keńes Odaǵynyń Ba­tyry, Kókshetaý oblystyq par­tııa komıtetiniń burynǵy bi­rin­shi hatshysy A.Kleshevtiń, So­sıa­lıstik Eńbek Eri Fedor Mor­gýn­nyń, basqa da belgili memleket qaıratkerleriniń, aqyn-ja­­­zýshylardyń Kókshe eliniń ardaqty tulǵasyna arnaǵan il­tıpat lebizderi men pikirleri, qut­tyqtaýlary, ony jaqsy bil­gen, birge qyzmet atqarǵan tul­ǵalardyń estelikteri oryn alǵan.

Alqaly jıynda B.Janǵalov­tyń basshylyǵynda qyzmet at­qar­ǵan, búginde eńbek ardagerleri, bu­rynǵy «Pýhalsk» keńsharynyń dı­rektory Meırambek Qıyqov, Ze­rendi ortalyq aýrýhanasynyń bu­rynǵy bas dárigeri Serik Ib­raev, Sosıalıstik Eńbek Eri Sar­taı Jumaǵalıev, «Vıktorov­skoe» JShS dırektory Vladımır An­drıýhın, qazaq kúresinen «Qa­zaqstan barysy» jobasyn damy­tý qory keńesiniń tóraǵasy Arman Shoraev, eńbek ardagerleri Qasym­han Qusaıynov, Ivan Vınıskıı, Esim­bek Ákimov, Tileken Tólebaev, Kú­lásh Raqymjanova, Baıan atanyń ul­dary Muratbek pen Banurjan, qyzy Baqytjan, kelini Zýrash, bas­qa da týǵan-týysqandary aıtýly tulǵanyń uıymdastyrý q­abiletteri, adamgershiligi týraly ǵıbratty estelikter aıtty.

Shara sońynda aýdan áki­mi­ M.Mus­­ta­fınniń atynan­ áke­­sin eske alý keshinen este­lik retin­de uly Muratbek Janǵalov­qa áýlet­tiń uly babasy Qanaı bıdiń farfordan jasalǵan shaǵyn músinin usyn­dy. Baıan Janǵalulynyń ómir­serigi Naǵıma ájeıge Ke­ńes Odaǵynyń Batyry Málik Ǵab­dýllın­niń 100 jyldyǵyna arnalyp shyǵarylǵan merekelik medal tabys etildi.

Qaırat QAZIIаKPAROV, jýrnalıst

Aqmola oblysy,

Zerendi aýdany