Qaraǵandydaǵy «Dostyq úıinde» Qazaqstan halqy Assambleıasynyń biryńǵaı kúni ótti

Is-sharaǵa etnomádenı birles­tikterdiń tóraǵa­lary, Analar keńesiniń, ǵylymı-saraptamalyq toptyń, Qara­ǵandy oblystyq QHA jas­tar úılestirýshi keńes­­teriniń músheleri, saıası par­tııalar­dyń oblystyq fı­lıal­dary­nyń jetekshileri jáne BAQ ókilderi qatysty.

Prezıdenttiń bes áleý­met­tik bastamasynyń negizgi ere­jeleri talqylanǵan bas­qosýda Qaraǵandy oblystyq Qazaqstan halqy Assambleıa­sy hatshylyǵynyń basshysy Erlan Qusaıyn Elbasy Ún­deýiniń zaman talabymen úı­lesim tapqan mazmunyna toq­talyp, ıgi jobalardyń Máń­gilik El bolýǵa umtylǵan Qa­zaq­­stan úshin qanshalyq­ty máni zor ekenin tarqata aıtyp berdi. «Elbasy N.Nazarbaevtyń bes áleýmettik bastamasy memleketimizdiń árbir azamatynyń áleýmettik-eko­no­mıkalyq ál-aýqatyn nyǵaı­týǵa múmkindik beredi, óıtkeni bul sala táýelsiz Qazaqstannyń kon­fessııaaralyq kelisimi men birligin odan ári kúsheıte túsýge negiz qalaıtyn irgetas bolyp tabylady», dep atap ótti ol.

Sonymen qatar oblystyq QHA Analar keńesiniń tóraıymy D.Kasapıdı bes áleýmettik bas­tamanyń ómirlik mańyzy bar salalardy jańǵyrtýdaǵy jańa da jaqsylyǵy mol qadamdar ekenin atap ótti.

Is-sharaǵa qatysýshylar «Prezıdenttiń bes áleýmettik bastamasy» atty Úndeýi jóninde óz pikirlerin ortaǵa salyp, tur­ǵyndar áleýetin jaqsartýǵa ba­ǵyt­talǵan keleshegi kemel bas­ta­ma­ny biraýyzdan qoldady. 

Qaırat ÁBILDA,
«Egemen Qazaqstan»

QARAǴANDY