Is-sharaǵa BI Group PR dırektory Gaýhar Kerimova, BI University dırektory Olga Baspaeva, BI Development damý bóliminiń bastyǵy Aıbar Muqanov jáne «Sana» JQ «Jas Otan» úılestirýshisi Áıgerim Serikjanova qatysty.
«Biz odan ári damyǵandy, jańarǵandy qalaımyz, eń bastysy – biz turǵyzǵan úılerde qolaıly ómir súrýdi qalyptastyrý. Sondyqtan BI Group kompanııasy «Astanaǵa 20 jyl – 20 ıgi is» korporatıvtik merekelik baǵdarlamasy aıasynda biz salǵan turǵyn úı keshenderdiń sapasyn arttyrý boıynsha «Happy StartUp» konkýrsyn jarııalady, dep atap ótti Gaýhar Kerimova.
Sonymen qatar ol konkýrsqa jastyq ereksheligine, turǵylyqty ornyna, mamandyǵyna qaramastan Qazaqstan Respýblıkasynyń kez kelgen azamaty qatysa alatyndyǵyn málimdedi.
«Siz tek, bizdiń ónimniń sapasyn jaqsartý boıynsha bir nemese birneshe ıdeıańyzdy usynyp, http://bi-group.org/happystartup siltemesi arqyly ótinishti toltyryp, óz jeńisińizge senseńiz bolǵany! Eń úzdik ıdeıalar kompanııa standartyna engiziledi jáne aqshalaı syılyqtarmen marapattalady, sondaı-aq 10 fınalıst BI University-de ótkiziletin trenıngterge sertıfıkat alady. BI Group barsha qaýymdy ózimiz ómir súrip jatqan qorshaǵan álemge, úılerimizge súıispenshilikpen qarap, kórshilerimizdi qurmetteýge, meıirimdi bolýǵa shaqyrady», dedi BI Group kompanııasynyń PR dırektory Gaýhar Kerimova.
Raýan QAIDAR,
«Egemen Qazaqstan»
