Onyń aıtýynsha, 2014 jyly 170 myń tonna bıdaı óndirilse, 2017 jyly bul kórsetkish 450 myń tonna astyqqa deıin ulǵaıǵan. Qazaqstannan eksporttalǵan ónim Italııa men Túrkııa memleketterine jóneltildi. Naryq taldaýshysy keltirgen málimetke súıensek, jahandyq bıdaı eksportyndaǵy jaǵdaı Kanadamen tyǵyz baılanysty bolmaq. Sebebi, sapasy jaǵynan álemdik suranysty óteı alatyn elderdiń biri bolyp otyr. Bıdaıdy kóp tutynatyn Italııa buǵan deıin tek kanadalyq astyqty qoldanyp kelgen. Keıingi ýaqytta eýropa da bıdaı óndirýdi jolǵa qoıyp, ónim úlesin aıtarlyqtaı ulǵaıtýda. Degenmen, áli de ortalyq eýropa jaqsy ónim alýǵa qolaısyz.
«Bıdaı ónimine qatasty arnaıy saraptama jasaıtyn ortalyqtarmen tyǵyz qarym-qatynastamyz. Álemdik naryqta Kanada bıdaı ónimin aýqymdy kólemde ımporttaýshy memleket atanyp, eksporttyń 60 paıyzyn qurap otyr. Odan keıin AQSh-da aldyńǵy qatarly eksporttaýshy retinde tanylyp keledi. Bul rette bıdaı ónimin Eýropaǵa Qazaqstan da jetkizip otyrǵandyǵy aıta ketken jón. Ásirese, Italııa men Germanııa basty tutynýshy. Sondyqtan da, qazaq bıdaıy sapa jaǵynan kanadalyq ónimnen artyq bolmasa, kem emes», dedi Arete Research&Consulting in Economics aǵa konsýltanty. Dese de, Fılıppo Bertýssı eksport kólemin ulǵaıtyp, ónimdi syrtqa shyǵarýdy keńeıtý úshin qazaqstandyq óndirýshilerge jáne dýrým bıdaıyn eksporttaýshylarǵa uzaq merzimdi strategııa qajet ekendigin tilge tıek etti. Sondaı-aq naryqtaǵy básekege qabiretti bolý úshin udaıy taldaý júrgizý kerektigin de jetkizdi.
Jahandyq naryqtaǵy sapaly astyqtyń úlesin arttyrý jáne atalǵan ónimderdi jetkizýdiń perspektıvalyq baǵyttaryn talqylaýǵa arnalǵan forým aıasynda 21 elden 270 kompanııa men salalyq uıymdardyń 280 qatysýshysy bas qosty.
