Petropavl qalasyndaǵy «Bereke» yqsham aýdanynda ornalasqan hımııa-bıologııa baǵytyna mamandandyrylǵan Nazarbaev zııatkerlik mektebinde 597 oqýshy ozyq úlgide bilim alady. Oqýshylardyń 35 paıyzy aýyldyq jerlerden.
Qumar Irgebaıuly Nazarbaev zııatkerlik mektebinde bilim alýǵa qushtar jas órenderdiń qatary jyl sanap artyp kele jatqanyn jetkizdi. Mektep túlekteriniń álemniń úzdik ýnıversıtetterinde bilim alyp júrgeni qýantady. Bıyl bilim ordasyna 10 jyl tolyp otyr.
О́z sózinde basqarma tóraıymy Kúlásh Shámshıdınova zııatkerlik mektepteri álemdik talaptarǵa saı bilim berip jatqanyn erekshe atap ótti. Osy tájirıbeni endi orta bilim beretin mektepterge taratý mindeti tur. Bul baǵytta keshendi sharalar atqarylýda.
Kezdesý sońynda oblystyq ákimdik pen «Nazarbaev zııatkerlik mektepteri» arasynda ózara yntymaqtastyq memorandýmyna qol qoıyldy.
Memorandým maqsaty balalardy tárbıeleý jáne oqytý, bilim berý uıymdaryn basqarý salasynda "Nazarbaev zııatkerlik mektepteri" uıymynyń tájirıbesin taratý, sonymen qatar aımaqta ınnovasııalyq bilim berýdi damytý baǵytynda pedagogtardyń kásibı deńgeıin arttyrý bolyp esepteledi.
О́mir ESQALI,
«Egemen Qazaqstan»
